Провокативна реклама на Адисон Реј
Провокативна реклама: Адисон Реј повторно предизвикува реакции со новата кампања за фармерки!
По трагата на Сидни Свини, светската TikTok ѕвезда Адисон Реј (24) го привлече вниманието со својата најнова реклама за фармерки. Во соработка со брендот Lucky Brand, таа ја сними кампањата која веднаш предизвика лавина реакции на социјалните мрежи.
На фотографиите и видеата кои ја промовираат моделот Addison Ultra Low Flare jeans, Реј се појавува во провокативни комбинации. Во бел топ кој едвај го покрива телото, таа го покажува стомакот додека лежи на театарски седишта, а на некои фотографии е целосно без маица, прекриена само со реквизити. Во една сцена, таа ги спушта тесните фармерки до глуждовите, позирајќи со изненаден израз на лицето.
Сличности со Сидни Свини
Кампањата на Адисон Реј се појави кратко по вирусната и контроверзна реклама на актерката Сидни Свини за American Eagle, која предизвика бурни реакции. Рекламата за есенската сезона носеше слоган: „Сидни Свини има одлични фармерки“ (англ. great jeans), но многумина во играта на зборови гледаа подлабока и контроверзна порака, поврзувајќи „jeans“ (фармерки) со „genes“ (гени). Критичарите дури ја нарекоа „модерна нацистичка пропаганда“.
I have great jeans…now you can too #americaneagle#AEPartner#AEJeanspic.twitter.com/Wc0cwEHeTz
— Sydney Sweeney (@IamSydSweeney) July 23, 2025
Фотографиите на Адисон Реј веднаш беа споредени со оние на Синди, а фановите на Instagram коментираа: „Никогаш повеќе не сакам да гледам реклама за фармерки“, додека други додадоа: „Еве сега овие се вистински добри фармерки“.
Која е Адисон Реј?
Адисон Реј е една од најпознатите TikTok ѕвезди во светот, со повеќе од 88 милиони следбеници. Родена е во 2000 година во Луизијана, а слава стекна со споделување танцови видеа и трендовски содржини, кои брзо ѝ донесоа титула една од најплатените инфлуенсерки на TikTok. Според Forbes, во 2020 година заработила повеќе од пет милиони долари, повеќе од која било друга TikTok ѕвезда во тоа време.
Покрај социјалните мрежи, Адисон се обиде и во глума, дебитирајќи во 2021 година во Netflix филмот He’s All That, модерна верзија на популарната романтична комедија од 1999 година.
Популарност и моден белег
Addison е позната и по музичките обиди – во 2021 година го објави синглот Obsessed, кој доби мешани критики, но ја зацврсти нејзината позиција во поп-културата. Таа има и сопствена линија за убавина ITEM Beauty, а беше и лице на бројни модни кампањи.
Во приватниот живот често е во фокусот на медиумите поради љубовните врски – најпозната беше врската со музичарот Omar Fedi, а во последно време е поврзувана со помладиот пејач Sombra (со вистинско име Shane Boose).
