„Матилда“ тогаш и сега: Како изгледа актерската екипа по 30 години?
Откриј каде се денес актерите од легендарниот филм „Матилда“ – три децении по премиерата. Од Мара Вилсон до Дени Де Вито, еве што се случуваше со нивните животи и кариери.
Кога „Матилда“ се појави во кината во 1996 година, веднаш стана хит – комбинација од магија, хумор и потресна реалност. Филмот, базиран на книгата од Роалд Дал, не само што ги освои срцата на децата, туку и засекогаш ја смести во колективната меморија култната мала хероина со телекинетички способности. Три децении подоцна, се прашуваме – каде се денес актерите што ни го обележаа детството?
Мара Вилсон (Матилда Вормвуд)
Невината, но моќна Матилда ја одбележа кариерата на Мара Вилсон. Пред оваа улога, таа веќе беше препознатлива по настапите во Mrs. Doubtfire и Miracle on 34th Street. По успехот на „Матилда“, Вилсон се повлече од актерството и се насочи кон пишување и театар.
Денес:
Мара има 38 години е авторка на автобиографската книга Where Am I Now?, гласовна актерка во серии како BoJack Horseman, Big Hero 6 и веб-серијата Helluva Boss. Таа е исто така активна поддржувачка на менталното здравје и ЛГБТК+ заедницата.
Дени Де Вито (Хари Вормвуд)
Како манипулативниот татко Хари, Де Вито даде и глумачка и режисерска магија во филмот. Познат по улогите во Taxi, Twins и Get Shorty, неговата кариера продолжи со полна пареа.
Денес:
Игра во култната комедија It’s Always Sunny in Philadelphia од 2006 наваму, позајмуваше глас во Hercules и The Lorax, и се појави во Haunted Mansion (2023). Не престанува да режира иако има веќе 80 години – последни му се кратките филмови Skin Deep и Curmudgeons.
Реа Перлман (Зинија Вормвуд)
Како мајката Зинија, таа беше карикатура на неодговорен родител. Позната по улогата во Cheers, Перлман продолжи со улоги во серии како Law & Order: SVU, The Mindy Project, и најново – Not Dead Yet и Star Wars: The Bad Batch.
Денес:
Во 2023 ја толкуваше Рут Хендлер – креаторката на Барби – во филмот Barbie од Грета Гервиг.
Ембет Дејвиц (г-ца Хани)
Доброчудната наставничка Хани остана омилена лик. Пред „Матилда“, Дејвиц глумеше во Schindler’s List.
Денес:
Денес има 60 години и се префли кон телевизијата. Настапуваше во Mad Men, Ray Donovan, The Morning Show, како и во филмот Old (2021) и серијата Tales of the Walking Dead.
Пем Ферис (г-ѓа Транчбул)
Како злобната директорка Транчбул, Пем Ферис ги тероризираше учениците – и публиката. Нејзината кариера е богата, со улоги во Harry Potter and the Prisoner of Azkaban, Children of Men и серијата Call the Midwife.
Денес:
Оваа актерка денес има 77 години и се појави во Holmes & Watson со Вил Ферел и во серијата Urban Myths.
Брајан Левинсон (Мајкл Вормвуд)
Како злобниот брат Мајкл, Левинсон се појави и во Roseanne и Fresh Prince of Bel-Air, но по „Матилда“ има само една актерска заслуга – појава во Seinfeld.
Денес:
Има 43 години, живее надвор од очите на јавноста, но присуствуваше на обединувачка вечера на актерската екипа во 2013.
Киа́ми Давел (Лавендер)
Најдобрата пријателка на Матилда, Лавендер, беше првата улога на Давел. Подоцна глумеше во серии како Moesha и Steve Harvey Show. По пауза од актерството, се враќа со нов проект.
Денес:
Таа има 39 години, според IMDb, ќе се појави во драмата Whealthy and Wise.
Поминаа скоро 30 години, но приказната за едно исклучително девојче кое се спротивстави на неправдата сè уште инспирира. И додека некои актери продолжија да ја освојуваат публиката, други избраа потивок живот – но нивните улоги во „Матилда“ остануваат вечни.
