„Златен дечко“ наградата ја освои Дуе од ПСЖ
Фудбалерот на ПСЖ, Дуе, ја доби престижната награда „Златен дечко“ за своите одлични настапи минатата сезона.
Фудбалерот на Пари Сен Жермен, Дуе, ја освои престижната награда „Златен дечко“ за 2025 година, благодарение на своите извонредни настапи во дресот на парискиот клуб минатата сезона. Особено ќе се памети неговиот блесок во финалето на Лигата на шампионите, каде што постигна два клучни гола.
Во конкуренција од 20 млади фудбалери, Дуе го освои првото место, оставајќи зад себе имиња како Арда Гулер, Кенан Јилдиз, Франко Мастантуоно и Пау Кубарси.
Францускиот талент минатото лето пристигна од Рен во ПСЖ за 50 милиони евра, а до сега целосно ја оправда инвестицијата. Минатата сезона одигра 61 натпревар во сите натпреварувања, постигна 16 голови и забележа 16 асистенции.
И покрај повредите на почетокот од оваа сезона, Дуе веќе има три голови и три асистенции на осум меча. Од него во ПСЖ очекуваат да стане клучна фигура во нападот во годините што следат.
Минатата година наградата „Златен дечко“ ја освои Ламин Јамал, а претходно истото признание го добија Џуд Белингем, Гави, Педри и Ерлинг Халанд.
