Вучиќ со жестока изјава: „До 15 март ќе издржиме!“
Вучиќ откри клучни енергетски проблеми, притисоци од Русија и Западот и предупреди до кога Србија може да издржи без договор.
Претседателот на Србија, Александар Вучиќ, вчера беше е гостин во „Националниот дневник“ на ТВ Пинк, каде што зборува за најактуелните теми во Србија и светот.
На почетокот од обраќањето се осврна на средбата со амбасадорот на Русија, Александар Боцан Харченко.
„Имам две помали, но сепак значајни и релативно добри вести за граѓаните на Србија. ‘Лукоил’ доби продолжување на лиценцата до 26 април. Тоа значи дека 112 бензински пумпи во Србија, од кои 11 во Белград, а останатите во другите делови од земјата, ќе можат да работат со увезени нафтени деривати, а не исклучиво со деривати од НИС. Втората вест е дека Србија нема да има проблеми со гасот – до лето не се очекуваат никакви потешкотии, што е значајно за граѓаните.“
„Очекуваат нашите банки целосно да го одржуваат платниот промет, што ние веќе 55 дена го покриваме на сопствен ризик, и како што реков – ќе продолжиме уште некое време.“
„Американската логика е да истераат сè до крај, без оглед на цената што ќе ја плати Србија. Русите, исто така, сакаат да го истераат своето до крај.“
„Ќе има безброј проблеми. Знаете ли кој прв ја прекина соработката со НИС кога беа воведени санкциите? Руската компанија ‘Лукоил’. Тие први ја прекинаа соработката, а истото го направи и една кинеска компанија. Не сакаа да бидат изложени на ризик од секундарни санкции. Но српските банки – кој ги прашува? Тие може да бидат загрозени колку што сакаат. Но добро, ние постојано разговараме со сите – и со едните и со другите.“
„Со полесни или потешки решенија, Србија мора да ја обезбеди својата енергетска безбедност. Нема тука филозофија. Затоа се бориме, работиме и чекаме да видиме како ќе се развива ситуацијата. Се надеваме дека ќе го завршат договорот со некој од потенцијалните купувачи.“
„Имаме и други проблеми. Ситуацијата со 51 бензинска пумпа ни создава сериозни потешкотии. Повеќето од нив купуваа гориво преработено од НИС, а го транспортираа цистерни на кои пишува ‘НИС’. Сега ни недостигаат најмалку 145 цистерни за рамномерно снабдување. И џабе да ги имаме, кога тие што ни требаат се НИС-ови.“
„Тоа предизвикува проблеми на секојдневно ниво. Сепак, сум горд на Србија. Кај нас секогаш вината за сè се припишува на државата – не сметајќи го она ‘Вучиќ’, нормално. Државата секогаш е виновна, без оглед колку помага, нуди бесплатен или најевтин превоз и многу други работи што во други земји се незамисливи. Имаме ситуација во која 55 дена ни капка нафта не стигнала преку нафтоводот, а сепак немаме ниту еден проблем. Плативме се – стотици милиони евра.“
„Во најтешки услови успеавме да ја намалиме инфлацијата и драматично да ги зголемиме пензиите, уште од 1 декември. Горда сум на државата. Имаме многу проблеми, јас знам колку и јас можам повеќе да работам, но тоа е.“
„На граѓаните им реков: ‘Знам дека можеме да издржиме до 15 март.’ Убеден сум дека Русите ќе се договорат, бидејќи би било нормално да ја разберат позицијата на Србија – ние не се приклучивме на казнените мерки, ниту на кој било начин. Единствена земја сме што тоа не го направи. Очекуваме да постигнат договор. Ако мислите дека можеме да живееме без нафта – тоа е невозможно.“
„Би можел да зборувам и да одговарам на забелешките на госпоѓа Поповиќ и на сите што молчеа во 2008 година, и кои денес би рекле дека, ако воведевме санкции кон Русија, би ја уништиле надворешната политика на Србија. Сметам дека имаме обврска да се држиме до тоа што е возможно, сѐ додека има шанса да се постигне договор. Знам што е држава – таа не почнува и не завршува со мене. Постоела пред мене и ќе постои по мене. Морам да се однесувам одговорно кон светот. Но, граѓаните не треба да се грижат – Србија ќе има доволно нафта, бензин, дизел, керозин, мазут – сè.“
„Добиваме нафта од Медитеранот, но морате да знаете – државата не е играчка. Мора да се занимавате со секој детал за да ја кажете вистината на народот. Растот ќе ни забави и ќе има помало зголемување на пензии и плати ако тоа брзо не се реши. Затоа го спомнуваме 15 март.“
„Луѓето знаат дека никогаш не сум ги измамил. Верувам дека следната година ќе биде најдобрата во нашата историја, кога станува збор за промени во изгледот на Србија. Но треба многу работа и борба. Ќе има тешки одлуки.“
„А кога веќе зборуваме за ‘пропаст на политиката’, кажете ми – како може да биде пропаст ако сте ја сочувале Србија од секој воен судир? Во една година да нема ниту една жртва, иако провокации имаше секојдневно. Кога не сте одговориле на насилството, на палењето простории на владејачката партија, на напади врз цивили, а сепак сте го зачувале мирот? Вашите деца не гинат – нечиј други гинат, и се подготвуваат да гинат… Јас јасно кажав што ќе се случува. Но луѓето знаат дека додека сум на чело на Србија, шансите за воен судир се минимални – речиси непостоечки – без оглед на провокациите од регионот. Тие немаат доволно сила да ја загрозат Србија.“
