Венеција: Што да јадете, каде да спиете и како да уживате

Откријте каде да јадете, престојувате, и истражувате во Венеција преку туристички водичи, со совети за храна, сместување, култура и автентични искуства.

Да, Венеција знае да биде скапа, преполна и фрустрирачка. Но истовремено, таа е апсурдно убава, неповторлива и магична – ако знаете каде да гледате и што да избегнете. Тука ви ги нудиме сите тајни од прва рака.

Вистината за Венеција

Градот е како љубовна афера што никогаш не оди според планот – но не можете да се откажете. Венеција може да ве измори со гужвата, цените и комплицираниот јавен превоз (да, има разлика меѓу гондола, вапорето и трагето), но потоа ќе ви покаже залез со боја на праска над

и ќе ви го украде срцето.

Каде да престојувате: Од кралски луксуз до семеен шарм

The St. Regis Venice – Музеј со прозорци. Гранд Канал под вас, Мурано стакло над вас. Совршен избор ако парите не се проблем. Нарачајте еден Bloody Mary и гледајте како животот станува филм.

Hotel Flora – Ако сакате домашен амбиент, семејна топлина и прекрасна градина во срцето на Венеција – ова е вашето место.

Venice Venice – За љубители на уметност, дизајн и необичен луксуз. „Пост-венецијански“ стил, со поглед кон мостот Риалто и палата што дише со авангарда.

Каде да јадете: Cicchetti, рижото и уште нешто…

Cantina Do Spade – Стани на шанк, нарачај cicchetti (венецијански тапаси) и чаша бело вино, и живеј како локалец. И не, ова не е место за туристички пасти.
Nevodi – Во Castello квартот, со домашна паста, риба фатена утринава, и зеленчук од нивна градина.

Trattoria al Gatto Nero (Burano) – Морски рај со рижото од рибa и меко тело на ракчиња и традиција што се почитува. Само со резервација.
Bar All’Arco – Минијатурен бар со макси вкус. Baccalà mantecato на парче тост? Да, звучно не е најромантично, ама пробајте го и ќе заборавите на сите ваши поранешни љубови.

Што да правите:

Возење со гондола – Да, туристичко е. Да, скапо е. Но ако некогаш сте сакале да ја почувствувате Венеција од водената перспектива – ова е тоа.

Тајната тура низ Дуждевата палата – Скриени ходници, историски муабети – и без чекање во ред.

Островот Бурано – Инстаграм со боја, но и автентична рибарска душа. Одете рано или по 17:00 часот.

Peggy Guggenheim колекција – За оние што сакаат Пикасо, Полок и една жена што ги финансирала. Мало, но моќно.

Каде на шопинг:

Godi Fiorenza – Бренд со душа, воден од две сестри. Облека и накит што нема да го видите на Инстаграм инфлуенсерки.

Francis Model – Рачно изработени кожни чанти. Не за секого, туку за тебе.
MEG Glass –Тука можете да најдете муранско стакло.Исто така имате опција да си испратиш по пошта – со стил.

Gilberto Penzo – Мини гондоли, модели на бродови и подароци за секој хоби-фанати

Ноќен живот: Тивко, но со стил

Шетајте по Riva degli Schiavoni – Посебна атмосфера под месечина, далеку од комерцијалните кафулиња.
Cannaregio – Алтернативната страна на градот. Барови покрај каналот, млади локалци и cicchetti до полноќ.

Arts Bar (St. Regis) – Коктели како уметнички дела, стакло од Мурано и гитара во живо. Ако не за спиење, барем за пијалак.

Кога да ја посетите Венеција?

Ноември до февруари (освен карневал) – Помалку луѓе, повеќе Венеција.
Април–мај и септември–октомври – Совршено време.
Јули–август? Само ако сакате да платите многу за капучино и да се сликате со селфи стап меѓу 800 туристи.

Како да стигнете и да се движите?

Доаѓање: Летајте до аеродромот Марко Поло, па фаќајте воденo такси, автобус или вапорето.

Внатре во Венеција: Пешачењето е најчесто најдобро. Вапорето е јавен превоз, трагето е воден превоз за стоење, водено такси е луксуз.
Совет: Спакувајте се лесно – сите мостови имаат скали.