Утре почнува учебната година
Утре почнува учебната година: Во клупите ќе седнат 177.800 основци и 67.200 средношколци.
Денес на прес конференција, министерската за образование Весна Јаневска, информираше дека спремни ја почнуваат учебната година, дека условите се подобрени, учебници има за сите и инклузијата е подигната со ангажирање на зголемен број образовни асистенти во основното и за прв пат во средното образование.
„Втора учебна година по ред започнува со учебници за сите ученици. Целосно нови учебници има за VII одделение во основното образование и за I година во гимназиите, поради примената на нови наставни програми и најавувам дека овој процес на обнова на наставните содржини ќе има континуитет. За првпат по седум години учениците ќе добијат и учебници по странски јазици – англиски, француски, германски и италијански јазик“, истакна Јаневска, нагласувајќи дека сите се испечатени и над 90% од тиражот е веќе испорачан.
Министерката соопшти дека системски е решен предизвикот со учебниците кој се провлекуваше со години и дека повеќе нема предмети во основното образование без учебници, нема користење на учебници без склучени договори и регулирани авторски права и нема доцнење на испораката со месеци.
„Вештачката интелигенција влегува во наставата. Со задоволство споделувам дека е изготвен сеопфатен прирачник за едукација и на наставници и на ученици, со јасни инструкции за етичка и ефикасна примена на новите технолошки алатки за образовни цели“, нагласи министерката.
Министерката информираше дека ќе започне примената на новиот електронски дневник, многу подобар од предходниот и дека наставнците можат да го поплнуваат во секој момент.
„Вештачката интелигенција влегува во наставата. Со задоволство споделувам дека е изготвен сеопфатен прирачник за едукација и на наставници и на ученици, со јасни инструкции за етичка и ефикасна примена на новите технолошки алатки за образовни цели“, објасни министерката.
„За првпат е воведено и формално образование за децата на долготрајно болничко лекување и тие повеќе нема да губат настава. Зависно од нивната состојба ќе можат да се вклучуваат онлајн во својот клас или пак, наставникот индивидуално ќе работи со нив“, истакна Јаневска.
Министерката очекува наставниците мотивирани да ја започнат новата учебна година, во која, како што рече, ќе имаат и ново зголемување на платите, онака како што се договоривме пред една година, од 7,5 до 10 проценти во зависност од степенот на инфлацијата, за да има реален раст без манипулации.
