Трагедија во Грац: Австрија во жалост по смртоносното пукање во училиште
Австрија во тага по смртоносното училишно пукање во Грац. Илјадници луѓе дојдоа да запалат свеќи за жртвите.
Грац, Австрија – Илјадници граѓани се собраа со свеќи во рацете на централниот плоштад на Грац за да оддадат почит на жртвите од најсмртоносното училишно пукање во поновата историја на Австрија. Во нападот, што се случи во вторникот, животите ги загубија 10 лица, од кои најголемиот дел биле ученици.
Осомничениот за нападот, 21-годишен поранешен ученик на училиштето „Драјершиценгасе“, по крвавиот чин си го одзел животот во училишен тоалет. Полицијата соопшти дека во неговиот дом е пронајдено проштално писмо и импровизирана, но нефункционална цевчеста бомба. Мотивот сè уште не е официјално утврден.
Пукањето се случило во раните часови од наставата. Убиени се шест девојчиња и три момчиња на лице место а една ученичка почина подоцна во болница. Повредени се најмалку 12 лица.
Според австриската новинска агенција APA, седум од загинатите биле ученици. Напаѓачот дејствувал сам, со легално поседуван пиштол и пушка, а до моментот на нападот не бил познат на полицијата.
Во вторник навечер, главниот плоштад на Грац се претвори во море од свеќи. Илјадници, главно млади луѓе, се собираа во тишина, прегрнати, молејќи се или само стоејќи неподвижно. Свеќите се редеа околу фонтаната на војводата Јохан, симболот на стариот дел на градот.
https://www.bbc.com/news/videos/c9q0rewrv4ro
Австрискиот канцелар Кристијан Штокер го нарече вторник „црн ден во историјата на нашата земја“. Тој нагласи дека училиштето не е само место за учење, туку и простор за сигурност, доверба и иднина — нешто што е грубо нарушено.
По трагедијата, пред центрите за дарување крв во Грац се создадоа долги редици.
Сопружници кои живеат до училиштето опишаа сцена на паника и ужас. „Слушнавме десетици и десетици истрели. Не беше забуна – тоа беа вистински куршуми,“ раскажа Астрид, жителка на зградата до училиштето.
Нејзиниот сопруг сведочеше дека виделе ученик на прозорец како се подготвува да скокне, но се премислил. Учениците биле евакуирани од задната страна на зградата.
