Свештеник обвинет за сексуална врска со малолетна стриптизета
Свештеник обвинет за сексуална врска со малолетна стриптизета: Платил стотици илјади долари за молк?
Роберт Саливан (61), католички свештеник од Алабама, е под истрага откако Хетер Џонс (33) го обвини дека имал повеќегодишна сексуална врска со неа додека таа била малолетна стриптизета, и дека ѝ платил стотици илјади долари за да молчи.
Според тврдењата на Џонс, таа го запознала Саливан во 2009 година додека работела во стриптиз клуб кој тој често го посетувал. Таа наведува дека ѝ понудил 273.000 долари и договор за доверливост во замена за „приватни средби“ кои вклучувале сексуални односи. Џонс, која поради злоупотреба од мајка ѝ пораснала во посвоено семејство, вели дека се согласила поради упорното убедување на свештеникот и сопствените психички проблеми. Неколку дена подоцна, на нејзината сметка пристигнале две уплати по 136.500 долари преку адвокатска канцеларија.
Врската продолжила до 2024 година и вклучувала заеднички излегувања во ресторани и хотели низ цела Алабама. Саливан ѝ купил мобилен телефон и ја платил терапијата за зависности и депресија. Само од јули 2023 до март 2024, Џонс добила дополнителни 120.000 долари преку апликацијата Venmo.
Хетер Џонс одлучила да проговори јавно бидејќи Саливан работи со семејства и деца во парохијата и се плашела дека може да ги злоупотреби и другите.
Саливан е свештеник повеќе од 32 години, а шест години бил директор на католичкото средно училиште „Џон Карол“. Почетокот на август најавил привремено заминување од местото жупник на црквата „Our Lady of Sorrows“ во Хоумвуд.
Епископот на Бирмингем, Стивен Раика, изјавил дека државните власти не покренале кривична постапка бидејќи обвинувањата не ги исполнуваат законските критериуми, но дека црковната истрага продолжува во согласност со правилата на Католичката црква.
