ССМ објави дека 55,7% од македонските граѓани, не можат да си дозволат одмор
ССМ објави податок дека 55,7% од македонските граѓани, не можат да си дозволат еднонеделен годишен одмор.
ССМ одамна апелира дека во државата треба да се зголеми минималната плата, бидејќи е најниска во целиот регион и изнесува 400 евра. Ние сме последна земја која остана на дното во регионот и во европа по висината на минималната плата, особено ако се знае дека минималната плата во Црна Гора изнесува 600 евра, во Босна и Херцеговина 600 евра минимални примања, а сега веќе од октомври месец 500 евра минимална плата и во Србија.
На својот профил ССМ објави податок дека 55,7% од македонските граѓани, не можат да си дозволат еднонеделен годишен одмор, во продолжение соопштението на ССМ:
ПРИЧИНА ПОВЕЌЕ ЗА ЗГОЛЕМУВАЊЕ НА МИНИМАЛНАТА ПЛАТА
Минималната плата мора да се зголеми на најмалку 500 евра, а со тоа да се зголемат и останатите плати за најмалку 100 евра затоа што 55,7% од македонските граѓани не можат да си дозволат еднонеделен годишен одмор.
Алармантно е тоа што во вредноста на Синдикалната минимална кошница која се обидуваа да ја оспоруваат затоа што во неа според нив се предвидувало луксуз, предвиден е трошок за седум ноќевања во Дојран од 23 до 30 јуни, но пололовина од македонските работници не можат да си го дозволат ниту тоа.
Потребен е раст на платите за македонските работници да можат да си овозможат пристоен годишен одмор за себе и за своите семејства, затоа што и минималната и просечната плата се најниски во регионот, а со нив 55,7 % од работниците не можат да си овозможат годишен одмор.
Податокот е преземен од Еуростат, првично објавен од Finance Think.
