Со мопед излетале од патот, почина 16 годишно момче

Трагедија кај Рача, со мопед излетале од пат и удриле во столб, загина 16 годишно момче, негов врсник тешко повреден.

На 17.07.2025 во 01.40 часот во СВР Охрид е пријавено дека, на регионалниот пат Охрид-Св.Наум, на потегот помеѓу населбата Рача и стариот влез за хотелот Парк, мопед управуван од 16-годишник од Охрид, излетал од коловозот и удрил во метален столб.

-Тој се здобил со тешки телесни повреди и со возило на Итна медицинска помош бил пренесен во Општа болница во Охрид, каде им подлегнал на повредите. Сопатникот, исто така 16-годишник од Охрид, се здобил со тешки телесни повреди, констатирани во Специјалната болница „Св.Еразмо“ во Охрид, информира портпаролот на СВР Охрид, Стефан Димоски.

По овластување на јавен обвинител, увид на местото на несреќата изврши екипа на СВР Охрид.