Симптоми на висок крвен притисок што често се игнорираат

Висок крвен притисок често нема симптоми, но може да предизвика срцев удар и мозочен удар – научете како да го препознаете и следите.

Високиот крвен притисок, или хипертензија, е „тивок убиец“ кој често нема симптоми, но може да доведе до сериозни здравствени компликации.

Што е хипертензија?

Хипертензијата е состојба кога крвниот притисок во крвните садови е постојано покачен. Нормалните вредности се под 120/80 mmHg, додека притисок од 130/80 mmHg или повеќе се смета за висок. Ако остане неконтролиран, високото крвно може да оштети крвните садови и органите, зголемувајќи го ризикот од срцев удар, мозочен удар и болести на бубрезите.

Симптоми што не треба да се игнорираат

Иако многу луѓе со висок крвен притисок немаат никакви симптоми, понекогаш телото испраќа предупредувачки знаци:

Главоболка, особено во целата глава или задниот дел од главата.
Замаглен вид, често погрешно приписан на замор или стрес.
Отежнато дишење, прво при физички напор, а подоцна и во мирување.
Болка во градите, особено при одење или вежбање, што укажува на дополнителен напор за срцето.
Крварење од носот, кое понекогаш се јавува кај луѓе со хипертензија.
Пенлива урина, можен знак дека бубрезите испуштаат протеини поради оштетување.

„Најопасниот симптом е – нема“

Д-р Еван Левин, кардиолог, предупредува дека најголемата закана е токму отсуството на симптоми. „Најчестиот симптом на хипертензија е – ништо. И затоа е толку опасен“, вели тој.

Како да се заштитите

Редовното следење на крвниот притисок е клучно за превенција. Кардиолозите препорачуваат:

Да се проверува притисокот најмалку еднаш годишно.
Да се користи домашен монитор за крвен притисок, ако нема редовен пристап до лекар.
Да се учат семејството и пријателите како правилно да се мери крвниот притисок.

Високиот крвен притисок може да биде присутен години без симптоми, но со текот на времето предизвикува сериозна штета на срцето, мозокот и бубрезите. Редовните контроли се едноставен, но ефикасен начин да го заштитите животот.