Сигурен трик за одзатнување на туш-одвод
Откријте како да го одзатнете туш-одводот за само 30 минути со една природна состојка што ја имате дома.
Затнат одвод на тушот е класичен домашен проблем што секој барем еднаш го искусил – водата тече бавно или воопшто не се повлекува, а непријатната миризба станува неподнослива. Главниот виновник? Наталожена коса, сапуница и нечистотии кои се лепат по ѕидовите на цевките. Но, наместо да фрлате пари на скапи и агресивни хемикалии, постои многу поедноставно, побезбедно и поевтино решение кое буквално го имате дома.
Трикот што стана вирален на TikTok
Една експертка за чистење, која на TikTok редовно споделува совети за одржување на домот, покажа како со помош на само една состојка – сода бикарбона – може темелно да се исчисти и одзатне туш-одводот, без грам хемија.
Како да го направите тоа:
Обезбедете се со гумени ракавици и извадете го капакот од одводот.
Доколку има заштитен филтер, извадете го и исчистете го од коса, сапуница и други остатоци.
Остатокот од нечистотиите што се гледаат со око – отстранете ги рачно или со алатки како „куки“ или специјализирани чистачи за одводи (можат повеќепати да се користат).
Во чистиот одвод, истурете една полна шолја сода бикарбона.
Оставете ја да делува 30 минути.
Потоа, внимателно прелијте вриена вода директно врз содата.
Зошто функционира?
Содата бикарбона има блага алкална реакција што совршено ја разградува органската материја – како коса, маснотии и наслаги од сапуница. Освен што повторно ќе дозволи слободен проток на водата, истовремено ќе ги елиминира и непријатните миризби кои се појавуваат во цевките. За разлика од агресивните хемикалии, таа не ги оштетува инсталациите, што ја прави безбедна за долгорочна употреба.
Природно, еколошко и ефтино
Овој метод не само што е неверојатно ефикасен, туку и еколошки прифатлив. Со негова примена не само што го штедите семејниот буџет, туку и го намалувате негативното влијание врз животната средина, со избегнување на тешки и токсични супстанци.
