Северина блеска во металик фустан и ексцентрични штикли
Северина блеска во металик фустан и ексцентрични потпетици на концерт во Примоштен, додека најавува настап во Травник по 25 години пауза.
Хрватската музичка ѕвезда Северина повторно го привлече вниманието на јавноста со модна комбинација достојна за црвен тепих, која ја објави на својот Инстаграм профил. Пејачката блескаше во металик фустан со впечатлив дизајн и познати, „луди“ потпетици што ги носи со години.
Фустанот се состои од горен дел во стил на корсет, со кој Северина го нагласи своето деколте, и долен дел од метална мрежа, што додава футуристички и провокативен изглед. Целиот аутфит е од металик материјал кој совршено ја истакнува светлината на зајдисонцето во позадината.
View this post on Instagram
Сепак, најголемото внимание го привлекоа нејзините уникатни чевли со потпетици – моделот Yasmina Pom-Pom на британската дизајнерка Софија Вебстер. Овие сандали се препознатливи по металик сјајот, предното закопчување и две топчиња од крзно на патентот – детал што го дефинира нејзиниот моден потпис низ годините.
Фотографиите се направени за време на нејзиниот настап во Примоштен, на локацијата Our Lady of Loreto Lookout, каде пејачката ја сподели магијата на концертот со следбениците:
„Прекрасно место, прекрасни луѓе, прекрасен концерт, прекрасно вечер,“ напиша таа во описот.
Во последните денови, Северина ја посети и Босна и Херцеговина за да го најави својот претстоен концерт во Травник. На прес-конференцијата, таа откри дека таму не настапувала цели 25 години.
„Морам сериозно да поразговарам со мојот менаџер зошто не сум пеела тука 25 години. Навистина не ми е јасно зошто,“ изјави Северина со својот препознатлив шарм.
Популарната пејачка ќе настапи во визирскиот град на 9 август со голема музичка продукција и ветување за спектакл кој ќе се памети.
