Падма Лакшми во бикини остави многу следбеници без здив
Индиско-американската водителка, писателка и модел Падма Лакшми позираше во бикини и ги воодушеви бројните следбеници на социјалните мрежи со својот беспрекорен изглед.
Таа избра розов костим за капење, а изгледот го комплетираше со малку свиткана фризура и синџирчиња. Откри дека е на одмор во Хемптонс со весело друштво и своето кученце мини-пинчер.
„Ти завидувам на многу начини“, „Оваа дама не го изгубила сјајот со децении“, „Засекогаш мојата симпатија“, се некои од коментарите.
Таа претходно им даде совети на жените чии тела се менуваат во четириесеттите години во интервју за Форбс.
„Бидете емпатични кон себе како што сте емпатични кон вашата најдобра пријателка“, рече таа.
Таа исто така рече дека е изненадена што градите ѝ пораснале во средината на четириесеттите години. Не можела да најде градник што ѝ одговара, па затоа дизајнирала своја линија градници во соработка со брендот Bare Necessities.
За потсетување, таа позираше во смело издание за календарот на Пирели кон крајот на минатата година. Кога ја прашале како пристапува кон голотијата во денешно време, за време на движењето MeToo, кое се залага против сексуалното вознемирување, таа одговорила:
„Тешко е. Работев како модел во 1990-тите и тогаш беше многу послободно. Мислам дека денес сме многу поконзервативни. Нешто од тоа е добро. Многу од работите што се случија во 1990-тите требаше да исчезнат, но не мислам дека треба да се плашиме од голотијата бидејќи женското тело е едно од најубавите креации на природата.“
