Ова е најбрзиот начин да ја испеглате вашата облека

Доколку пеглањето одзема премногу време, постои ефикасен метод што ќе ви го олесни овој процес.

Имено, станува збор за користење обична алуминиумска фолија што ќе ви помогне да го скратите времето на пеглање. Сè што треба да направите е да ја поставите алуминиумската фолија под навлаката на даската за пеглање.

Кога пеглате едната страна од облеката, фолијата ќе ја рефлектира топлината назад и ќе ја испегла другата страна, без многу напор.

Во овој случај, фолијата делува како природен рефлектор. Кога ја поминувате пеглата преку облеката, топлината се рефлектира од фолијата и се враќа низ ткаенината, така што двете страни се исправаат истовремено.

Соодветно на тоа, нема потреба да ја превртувате облеката неколку пати, а на овој начин ќе заштедите време, енергија и сила.

Во овој процес, важно е фолијата да се растегне право под навлаката, без брчки. Препорачливо е да се користи сјајната страна од фолијата свртена кон облеката, бидејќи таа најдобро ја рефлектира топлината.

По пеглањето, фолијата брзо се лади, па можете веднаш да ја тргнете од даската. Не треба да ја менувате фолијата по секое пеглање, ако остане рамна и чиста, може да трае со месеци. Кога ќе стане премногу збрчкана, доволно е да ја замените со нов слој.