Нејмар шокираше во Њујорк со розов капут од 5.000 €
Нејмар привлече внимание во Њујорк со луксузен Louis Vuitton капут, додека се подготвува за операција и камбек со Бразил.
Бразилската фудбалска суперѕвезда Нејмар (33) повторно беше тема на светските медиуми – овојпат не поради фудбал, туку поради впечатлив моден избор. За време на одмор во Њујорк, тој беше забележан на Тајмс Сквер облечен во розово-бел капут од Louis Vuitton, чија цена се проценува на околу 5.000 евра.
Напаѓачот на Сантос се појави во друштво на својата девојка, манекенката Бруна Бианкарди, а дополнително внимание привлече и со скијачка маска на лицето. Иако многу минувачи не го препознаа веднаш, неговиот екстравагантен стил беше невозможно да се игнорира.
View this post on Instagram
Празнична атмосфера во срцето на Менхетен
Парот беше фотографиран додека ужива во празничната атмосфера на Њујорк – во еден момент се возеа со рикша низ Менхетен, слушајќи божиќни песни и позирајќи насмеани. Комбинацијата на луксуз, анонимност и стил уште еднаш го потврди статусот на Нејмар како глобална икона, не само во спортот, туку и во модата.
Чувствителен момент во кариерата
Посетата на САД доаѓа во критичен период за кариерата на Нејмар. Бразилскиот ас се подготвува за операција на коленото, со цел навреме да се опорави и да ги зголеми шансите за враќање во националниот тим пред Светското првенство следното лето.
Според информации од Бразил, Нејмар пред Божиќ треба да го посети реномираниот доктор Едуардо Сантос, специјалист кој претходно им помогнал на фудбалери како Филипе Кутињо и Матхеус Куња. Операцијата се очекува да се изврши по неговото враќање во Бразил, што би му оставило околу шест месеци за рехабилитација.
Анчелоти јасен: формата е клучна
Иако е најдобар стрелец во историјата на Бразил со 79 голови на 128 натпревари, Нејмар засега не е дел од плановите на селекторот Карло Анчелоти, кој јасно порача дека нема привилегии.
„Мораме да размислуваме за Бразил – со или без Нејмар. Ако биде здрав и подобар од другите, ќе игра. Никому ништо не должам“, изјави Анчелоти.
Конечниот список за репрезентацијата ќе биде познат по ФИФА терминот во март, додека финалната одлука ќе биде донесена во мај.
