Лимон – најздраво овошје ама не е во топ 10 намирници

Иако лимонот е полн со витамин Ц и нуди бројни здравствени бенефити, научниците открија дека тој не е меѓу десетте најздрави намирници.

Група научници од Универзитетот Вилијам Патерсон во Њу Џерси спроведе сеопфатно истражување за да одговори на едно едноставно, но суштинско прашање: Кои намирници се најздрави за човечкото тело?

Анализирани беа 41 намирница, според нивната нутритивна вредност – односно количината на витамини, минерали, влакна и други корисни материи, во споредба со нивната калориска вредност.

Иако многумина очекуваа овошјето да доминира на врвот на листата, резултатите ја урнаа таа претпоставка. Ниедно овошје не влезе во топ 10, а највисоко рангираниот претставник – лимон – се најде дури на 28. место.

Зеленчукот владее со листата
Највисоките позиции ги зазема зеленото, лиснатиот зеленчук – предводени од крес-салата, блитва, спанаќ и цвекло. Тие имаат висока концентрација на есенцијални нутриенти во однос на калориите, што ги прави „нутритивни ѕверки“ според критериумите на студијата.

Меѓу првите 20 се најдоа и познати здрави намирници како брокула, пиперки и тиква.

Зошто лимонот не е во врвот?

Лимонот е без сомнение едно од најздравите овошја – богат со витамин Ц, антиоксиданси и органски киселини. Но, токму неговата мала калориска вредност и специфичен состав го ставаат во неповолна положба кога се пресметува „нутритивна густина“.

Односно – не е доволно само да има корисни материи, туку мора да ги има во големи концентрации во однос на калории.

И покрај тоа, лимонот нуди импресивни здравствени бенефити:

• Богат со витамин Ц, кој го зајакнува имунитетот и ја стимулира продукцијата на колаген за здрава кожа

• Го поттикнува варењето и ја подобрува апсорпцијата на хранливи материи

• Може да го намали апетитот и да го забрза метаболизмот

• Има детоксикациски ефекти, особено кога се консумира со топла вода наутро

• Делува освежувачки и алкализира делови од дигестивниот систем