Lil Tay отвори OnlyFans за 3 часа заработи милион долари
Lil Tay отвори OnlyFans веднаш по 18-тиот роденден и за 3 часа заработи над милион долари – интернетот експлодира со критики.
Канадската инфлуенсерка Клер Тијан, позната под псевдонимот Lil Tay, предизвика нова бура на интернет сцената. Само неколку часа откако стана полнолетна, таа отвори профил на платформата OnlyFans и објави дека заработила над еден милион долари за само три часа.
Веста ја сподели директно на Instagram, каде што ја следат речиси шест милиони фанови.
„Објавивме профил и веднаш срушивме рекорди на OnlyFans“, напиша таа, додека интернетот буквално зовре.
Но, наместо аплаузи, коментарите беа преплавени со негативни реакции:
– „Кој плаќа за вакво нешто?“
– „Ја следите од дете, а сега ѝ давате пари веднаш штом наполни 18?“
– „Каде ѝ се родителите?“
– „Ова е одвратно на толку многу нивоа“ – беа само дел од реакциите.
Lil Tay првпат се појави во јавноста во 2017 година, кога како 9-годишно девојче објавуваше вулгарни видеа и арогантно се фалеше со пари и луксуз. Подоцна се откри дека зад сето тоа стоел нејзиниот брат Џејсон, кој ѝ диктирал што да зборува, предизвикувајќи сериозни етички и родителски прашања.
Нејзината мајка, Ангела Тијан, остана без работа како агент за недвижности, откако беше обвинета дека ги користела имотите и возилата на своите клиенти за видеата на својата ќерка.
Во меѓувреме, Lil Tay се обиде да влезе и во музичкиот свет, соработувајќи со контроверзни имиња како Bhad Bhabie, Jake Paul и дури и со продуцентот Diplo. Но и покрај музичките авантури, нејзината кариера постојано е обоена со контроверзија, а нејзиниот нов потег ја подгрева дебатата за етиката, инфлуенсерството и малолетничката експлоатација на интернет.
Останува отворено прашањето: Дали светот навистина „созреа“ за нова ера на полнолетни инфлуенсери што влегуваат во светот на експлицитен онлајн-содржини – уште од првиот ден по 18-тиот роденден?
