Кирил Ангелов како дете жртва на сексуално злоставување, сега борец за зголемување на свеста
Кирил Ангелов како дете жртва на сексуално злоставување, сега борец за зголемување на свеста и најавува хуманитарен подвиг!
Кирил Ангелов како дете на 9 години бил злоставуван сексуално од педофил, со болка која успешно се бори со годините. Подоцна во животот добил и рак што исто така излегол како борец и успешно се изборил. Сега најавува хуманитарен подвиг – пешачење во должина од 111 километри со цел подигнување на свеста за сексуално злоставување на деца, булинг и сите форми на насилство.
„Молкот на државните структури низ годините ме натера на овој потег. Верувам дека народот може да промени сѐ, ако има желба. Можам ова пешачење да го направам сам, но целта ми е да покажеме дека жртвите не треба да поминуваат сами низ сопствените тегобни патешествија,“ напиша Ангелов.
Тој ги охрабри сите заинтересирани да му се приклучат – било од Скопје, Велес, Неготино или на само еден дел од патот – за да се покаже заедништво и поддршка. „Да ги утешиме жртвите дека треба да побараат помош, да се доверат некому и да го поминат животот во љубов и пријателство, а не сами и во изолација. Болката не треба да е табу, а ни тишина,“ порача тој.
Акцијата ќе се одржи од 30 март до 4 април 2026 година. Почетната точка ќе биде Скопје, а завршната Демир Капија.
