Кејти Пери на удар на критики по инцидентот на сцената
Американската пејачка Кејти Пери доживеа непријатен момент на нејзината светска турнеја „The Lifetimes Tour“.
Американската поп-ѕвезда Кејти Пери повторно се најде во центарот на вниманието, откако на еден од концертите од нејзината актуелна светска турнеја „The Lifetimes Tour“ се случи инцидент кој ги подели фановите. На социјалните мрежи започна да кружи видео на кое изгледа како пејачката да доживува струен удар додека се искачува на сценски реквизит.
Поделени реакции на интернет
Снимката предизвика голема дебата меѓу обожавателите. Додека едни изразија загриженост за здравјето и безбедноста на пејачката, други беа поскептични и го искористија моментот за шеги. На „Твитер“ дури се појавија коментари во стилот: „Зошто оваа турнеја постојано се обидува да ја убие?“
Ова не е првиот проблем што ја следи турнејата. Претходно, Кејти Пери едвај избегна пад од висечки реквизит во форма на ѕвезда, а имало и дефекти со сценографијата. Пејачката и самата откри дека веќе претрпела неколку полесни повреди на сцената.
Турнејата продолжува без застој
И покрај сите овие ситуации, турнејата на Пери не е прекината. Засега таа настапува низ САД, со концерти во Нашвил и други градови, а потоа следуваат настапи во Јужна Америка, Европа, Обединетото Кралство, Блискиот Исток и Азија.
Турнејата „The Lifetimes Tour“ започна во април 2025 година со концерти во Мексико, по што се пресели во САД и Австралија. Во моментов пејачката е повторно на северноамериканска територија, каде ја продолжува серијата спектакуларни настапи, и покрај сите предизвици што ја следат.
