Јутјубери за влакно ја избегнаа смртта
Автомобил удри во ресторан во Хјустон – јутјубери за влакно ја избегнаа смртта.
Вознемирувачка сцена се случи во ресторанот Cuvee’s Culinary Creations во Хјустон, Тексас, кога автомобил со голема брзина удри во прозорецот и речиси прегази двајца јутјубери кои во тој момент снимаа видео.
Станува збор за Нина Unrated и Патрик Блеквуд, креатори на содржина кои често рецензираат ресторани и споделуваат моменти од секојдневниот живот. Тие уживале во храна и пијалаци во омиленото место кога ненадејно автомобил се забил право кон нив.
На снимката која тие ја објавија на својот канал, првично се гледа нивната дегустација на јадењата, а потоа нагло се слуша кршење на стакло и влетување на возилото. Нина и Патрик успеале да се извлечат, но добиле посекотини на лицето и телото.
„Се смеевме, уживавме, и одеднаш – бум! Овој автомобил удри во нас со околу 60 километри на час. Стаклото се распрсна насекаде, настана вистински хаос“, напишале во описот на видеото.
И двајцата беа пренесени во болница, но за среќа немаа потешки повреди. Подоцна Нина на Инстаграм сподели фотографии од нивните рани и порача:
„Пушти, прости, живеј во сегашноста и сакај ги луѓето околу себе – ова можеше да биде нашиот последен оброк.“
Сопственикот на ресторанот изјави дека возачот поминал без повреди, но ќе сноси одговорност за нанесената штета.
