Готово за 10 минути, нов летен хит за брзи вечери
Готово за 10 минути: Заборавете на песто – нов летен хит за брзи вечери.
Деновите се сеуште топли, сите бараат лесни и брзи јадења, а спасот го гледаат во песто. Брзо, едноставно, сигурно. Но што кога и тоа ти здосади? Време е за ново освежување: кремасти тестенини со лимон и рикота – готови за десет минути.
Ова не е само уште еден рецепт, туку вистинско решение за денови кога сакаш нешто утешно и вкусно, а немаш нерви за сложени маневри во кујна. Со комбинација на мека рикота, свеж лимон и добро сварена тестенина, добиваш оброк што е истовремено лесен и заситувачки, едноставен, а сепак со доза елеганција.
Додека тестенините се варат, сосот се спрема ладен. Тоа значи помалку време и помалку садови, а резултатот е кремаста мешавина која ги истакнува природните вкусови на состојките.
Потребни состојки:
Рикота: идеално полумасна или свежа од пазар.
Лимон: сок и кора – од свеж, органски плод.
Сирење: Пармезан или Пекорино
Маслиново масло
Вода од тестенини: скробната течност е тајното лепило што го прави сосот свилен.
Како се подготвуваат?
Додека тестенините се варат во солена вода, во голема чинија измешај рикота, пармезан, лимонова кора и сок, малку сол, црн бибер и ако сакаш – ситно сечкан лук. Кога тестенините се речиси готови, сочувај една шоља од водата, исцеди ги и уште врели додај ги во смесата. Прелиј со малку од водата и промешај брзо – топлината сама ќе направи кремаста магија.
Додатоци по избор:
Овој рецепт е одличен во основа, но можеш да го надградиш по вкус: свеж босилек, малку чили, тиквички на скара или крцкави ореви за текстура.
