Гледачите со воодушевување зборуваат за новиот Netflix трилер
Гледачите со воодушевување зборуваат за новиот Netflix трилер „Hostage“, кој многумина го нарекуваат најдобрата мини-серија после „Adolescence“.
Ако ви се допадна серијата „Adolescence“, тогаш сме сигурно дека серијата „Hostage“, ќе ги освои вашите срца. Во центарот на приказната е актерката Suranne Jones, добро позната од „Докторка Фостер“, а овојпат ја игра британската премиерка Абигејл Далтон, чиј сопруг е киднапиран за време на официјална посета во Француска Гвајана.
Серијата, составена од пет епизоди, комбинира политички игри, морални дилеми и драматични закани што ги ставаат во центарот две влијателни жени – британската премиерка и француската претседателка. Напнатоста расте од самиот старт, со изненадувачки пресврти и динамичен заплет што лесно го држи гледачот „залепен“ пред екранот.
На социјалните мрежи реакциите се претежно позитивни – дел ја опишуваат серијата како „проклето одлична“ и најдобриот британски хит на Netflix во последните години. Сепак, постојат и критики дека политичките елементи се понекогаш нереални, а ритамот пребрз.
И покрај тоа, „Hostage“ успеа да го привлече вниманието на публиката и веќе се смета за нов силен адут на платформата.
