Ги зголеми градите, усните… a има 24 години.
Ги зголеми градите, усните… a има 24 години, со операции почнала на 19 години!
Аби од Велика Британија имала само 19 години кога одлучила да замине под нож и да ги зголеми градите. Од големина 65АА премина на 65D, иако сакала уште поголема корпичка, пишува The Sun.
Лекарот, сепак, го одбил нејзиното барање. „Ми рече дека тоа не би одговарало на моето тело и дека не сака да си ја наруши репутацијата. Прифати само големината што ја имам сега и навистина сум му благодарна за тоа,“ раскажала таа на TikTok.
Естетски зафати од 19-та година
Набрзо потоа ги зголемила и усните. „Имав тенки усни, особено горната, која ми се вовлекуваше кога се смеев. Добив еден милилитар филер и од тогаш не сум ги чепкала. Поминаа веќе пет години, а обликот сѐ уште се држи,“ вели Аби.
@abiluffmann Everything I have had done at 24💉💁🏽♀️💆♀️ let me know what you’ve had done & at how old? #fyp#cosmetics#beauty#surgery
На 23 години одлучила да ја израмни грпката на носот со нехируршки зафат со филери, а веќе една година подоцна отишла и на ботокс. „Искрено, отидов бидејќи сите мои другарки одеа, а слушнав и дека тоа е добар начин за превенција на брчки. Најмногу ми се допадна што пудрата ми изгледаше подобро – челото ми беше мазно, без набори,“ открива таа. Ефектот траел осум месеци, а денес ботоксот повеќе го нема. Подоцна пробала и филер за подочници, но признава дека не видела никаква разлика.
Оваа година Аби отпатувала во Турција, каде што направила free hand bonding зафат, со кој композитен материјал се нанесува директно на забите за да изгледаат порамни и посјајни. „Знаев дека конечниот резултат ќе биде бондинг, бидејќи сакав целосно рамни заби,“ објаснува.
По низа искуства, Аби вели дека научила што вреди, а што не: „Некои од тие работи никогаш повеќе нема да ги правам. Тоа е дел од растење и учење. Не сакам да промовирам естетска хирургија, туку само искрено да споделам што сум пробала – зафати поради кои се чувствував посигурна, но и оние за кои жалам.“
Иако нејзината исповед била искрена, на социјалните мрежи наишла и на критики. „Изгледаш многу постаро од 24!“ напишал еден корисник. Друг додал: „Поблиску си до 30.“ Сепак, дел ја поддржале и ѝ упатиле бројни комплименти. „Изгледаш одлично – твоето тело, твој избор,“ порачале некои. Други ја пофалиле за искреноста: „Ти благодариме што отворено зборуваш за зафатите. Важно е да се нагласи и безбедноста, премногу млади девојки завршуваат во погрешни раце и се разочаруваат.“
