Филипче најави нови бомби: коруптивен скандал на повидок
Филипче најавува нови корупциски бомби и бара помош од европската обвинителка Ковеши.
Опозицијата реши да игра офанзивно. Лидерот на СДСМ, Венко Филипче, најави серија нови „бомби“ за корупција во кои, според него, ќе испливаат докази против сегашни владини функционери. Како што вели, материјалите се подготвени, документите се собрани, а Бихаќка е подготвена да ги изнесе јавно на прес-конференции.
И не застануваат тука. СДСМ ќе бара поддршка од државните институции, но и меѓународна помош. Планираат да ја активираат европската обвинителка Лаура Ковеши, со идеја таа да се вклучи во истражување за наводни злоупотреби со европските фондови – особено ИПАРД програмата. Малку скепса не штети: дали Ковеши ќе прифати да расчистува локални офшор магли?
ВМРО-ДПМНЕ: „Иронија со потпис од СДСМ“
Владејачката ВМРО-ДПМНЕ не чекаше долго. Нивната реакција беше брза, остра и без ни грам воздржаност. Според портпаролот Манасиевски, обидот на Филипче да зборува за правда е „политичка иронија“. Велат дека токму СДСМ – и претходно и сега – е главниот генератор на криминал и корупција. Ако ништо друго, барем тајмингот им е перфектно усогласен со политичката сезона.
СДСМ подготвува нова „бомба“ и антикорупциски тим
Филипче не планира да забави. Веќе за утре најави нова „бомба“, а паралелно формира и партиско антикорупциско тело. Во него ќе работат правни експерти, советници и млади истражувачи кои ќе ги анализираат документите и ќе поднесуваат пријави до домашни и меѓународни институции.
