Дали сонува вашето Куче?
Додека сте го гледале своето куче како спие, сугирно како сопственик, барем еднаш се запрашале дали кучињата можат да сонуваат.
Одговорот на тоа прашање е дека кучињата навистина сонуваат. Деловите од мозокот кои се активираат во нас за време на спиењето се активираат и кај нашите кучиња. Исто како и луѓето, кучињата минуваат низ различни фази на спиење, а сонот најчесто се случува во РЕМ фазата.
Кои се знаците дека кучето сонува?
За време на РЕМ спиењето, може да забележите знаци дека вашето куче сонува, како што се:
- Грчење на шепата
- Промена во дишењето
- Грчење на очите
- Цивкање
- Лаење
- Јактитација
- Мавтање со опашката
За што сонуваат кучињата?
Експертот за однесување на кучиња Клер Сталард му објаснува на Блу Крос дека никогаш нема да знаеме со сигурност за што сонуваат кучињата. Меѓутоа, мозокот на кучето ги обработува информациите на сличен начин како нашиот, па тие би можеле да сонуваат на сличен начин.
Луѓето сонуваат да обработат секојдневни искуства, а слично е и со кучињата. Ако вашето куче сака да брка топка, тоа може да го доживее во своите соништа. Кучињата често се приврзани за своите сопственици, па многу е можно и тие да сонуваат за нив.
Не можеме со сигурност да знаеме за што сонуваат кучињата или дали имаат кошмари, но нивното однесување за време на спиењето може да ни даде поим. Веселото лаење и грчењето на шепата укажуваат на добар сон, додека кукањето може да значи непријатен сон.
Не треба да го будиме нашето куче, дури и ако мислиме дека сонува лош сон. Соништата им помагаат да ги обработат дневните настани и да развијат емоционална отпорност, што е важно за нивната благосостојба.
