Оваа година имаме дилема, еден фестивал по кој беше познат Дојран оваа година се подели на два фестивала, еден си остана во Дојран друг во Штип.
Фановите на “Д Фестивал – Дојран“, беа изненадени кога продукцијата која го организираше овој настан објави на својата Facebook страница, дека фестивалот има нов дом, соопштението гласеше:
“Д Фестивал со нов дом!
По години магични изгрејсонца, музика под ѕвездите и слобода на брегот на Дојран, време е за ново поглавје. Со срце полно љубов и почит, кажуваме огромно БЛАГОДАРАМ на прекрасните Дојран и дојранчани за сите незаборавни моменти, за гостопримството со кое својот град го направија местото каде што од 2011 година нашите соништа се спојуваа со реалноста.
Но, полека и сигурно нашата “Д” заедница расте и како дете што го напушта својот дом за да ги следи соништата, така и “Д Фестивал” тргнува по нов пат. Ова лето, за јубилејната 15ка, нашиот фестивалски караван продолжува кон ШТИП – опкружени со планини и река, ПОД ИСАРОТ е новата дестинација за најпозитивната фестивалска дружина, нов простор за магија и ново платно за испишување на највозбудливите фестивалски приказни.
Нови хоризонти, истиот дух, уште повеќе љубов!
Во единствената летна фестивалска авантура во Македонија, СОНУВАМЕ ЗАЕДНО!
И заедно го живееме сонот!
Од 4 до 6 јули, ВО ШТИП -> THE FESTIVAL
Ви благодариме на сите кои помогнавте да го израснеме фестивалскиот бренд во Дојран и кои на тој пат станавте наши особено драги пријатели и дел од нашата Д фамилија: Горан и Билјана Џиневи, фамилијата и целиот персонал на Сендвичара „Џина“, Диниш Катранџиев, Сестра Ефимија и Сестра Февронија, Марика Кетикиду, Костадин Џинев и фамилијата, Андреј Ангеловски, Зоран Петров Антена 5, Коста Јаневски Антена 5 и целиот тим на Антена 5 Радио, Сашо Мацановски Трендо, Марјан Деловски – Дељо, Митко Јанев и целиот тим на Ресторан „Фук Так“, Костадин Трајков – Коце, Митко Арнаудов, Лена, Танка, Анита и сите прекрасни жени од Здружение на жени „Дојран“, Сања и Иле од „Alex Beach“, Светлана од Детското одморалиште, Симона и целиот тим на хотел „La Terrazza“, Тања и Здравко од „Fancy“, Тасим и Ефе Јусуф со нивниот тим, Тони Спиркоски – Тото од Плажа „Стејџ, цела фамилија Истатов и мнооогу многу други!
Никогаш нема да ги заборавиме и ќе бидеме вечно благодарни и на: чичко Благоја Истатов, Глигор Чабулев и Никола Џинев.
ТИ БЛАГОДАРИМЕ ДОЈРАН!!!
Имаше многу разочарани фанови, бидејќи според нив фестивалот има свој белег во Дојран, дружбата и кампувањето е нешто за кое овие фанови живеат. По барање на фановите, Дојран ќе добие повторно фестивал, но овој пат со нова продукција името на фестивалот е Д- фест Дојран, оваа година Д-Фест Дојран се враќа со нова продукција, обновена енергија, и три дена спакувани со музика, креативност и дружење покрај езерото.
Д Фест – Дојран
Д‑Фест 2025 (покрај Дојранското Езеро)
Датa и локација: 25–27 јули 2025, Дојран – главната сцена, камп зона и големи журки покрај езерото
Музика: досега најавени музички ѕвезди се: Методи Христов, Ареа, DJ NIKIFOR,Funk Shui, Fecky Farris, Мими Мерцедес, Senidah, DJ Mossel, Divolly Markward, Суперхикс, Coeus и уште уште многу други изведувачи кои дополнително ќе ги објават.
Така да спремете се за три дневна забава, со кампување, со езеро за ладење и со добри артисти.
Д фестивал 2025 Штип
Дата и нова локација: 4–6 јули 2025, Штип – под тврдината Исар покрај Брегалница
Влезница: Бесплатен влез. Сепак, „charity ticket“ – доброволен прилог од 1500 МКД, средствата одат за Кочани, овој пат без камп.
Ваше е да одлучите што повеќе сакате, кои ви се омилени артисти и каков вид на фестивал сакате, но сигурно и да одите на двата фестивала нема да згрешите, изборот е ваш!
