Била на состанок, но потоа дошла и сметката!
Една девојка ја раскажува својата приказна на Reddit, за својот состанок и сметката!
Една млада жена на интернет предизвика бурна дискусија откако сподели необично искуство од својот прв состанок. По средбата, повторно се отвори старото прашање: кој треба да ја плати сметката на првиот состанок?
28-годишна девојка, излегла со маж кој имал 30 години. Заедно нарачале бургери и заедничка порција компирчиња. Мажот ја подмирил сметката, а жената, за возврат, се понудила да ја остави бакшиш. Сѐ изгледало пристојно и коректно, сѐ додека следното утро не добила несекојдневно изненадување.
Преку апликација за дигитално плаќање, добила барање од 3,25 долари со порака: „пола компирчиња“. Во почетокот мислела дека станува збор за шега, но мажот бил сериозен. Таа го одбила барањето и му испратила порака нарекувајќи ја постапката скржава. Тој возвратил дека претерува и дека „таков е по природа“. Жената изјавила дека чувствува силна одбивност и навреденост.
Објавата предизвикала жестоки реакции. Повеќето корисници во ваквиот потег виделе јасни црвени знамиња. Коментарите укажувале дека сумата е премала за воопшто да се бара назад, а самиот гест покажува карактер на ситничавост. Еден корисник напишал дека барањето за неколку долари е сигурен начин никогаш да нема втор состанок: „Со тоа само кажува дека парите му значат повеќе од човекот пред него“. Други споделиле слични искуства, поврзувајќи го ваквото однесување со пошироки проблеми во меѓучовечките односи и очекувањата од современиот бонтон.
