Поранешниот борец на УФЦ, Суман Мохтаријан (33), ученик на Стипе Миочиќ, беше убиен во Австралија
Австралискиот ММА борец Суман Мохтаријан (33) беше застрелан во Риверстоун, предградие на Сиднеј, во она што полицијата го сомничи како целен напад поврзан со криминална банда.
Убиството се случило во среда околу 18 часот по локално време, додека Мохтаријан бил на прошетка.
Сведоци рекле дека слушнале неколку истрели од црвено Ауди, и иако службите за итна помош пристигнале брзо, лекарите не можеле да го спасат животот на 33-годишникот.
Напаѓачот сè уште не е уапсен, а полицијата активно го бара.
Ова не е прв пат Мохтаријан да се соочи со напаѓачи. Во февруари 2024 година, вооружен маж преправен како доставувач се обидел да го застрела од непосредна близина пред теретана, но не успеал.
Мохтаријан се натпреварувал во 27-та сезона на „The Ultimate Fighter“, каде што бил еден од учениците во пердувеста категорија на Стипе Миочиќ.
Иако ја загубил својата прва борба на почетокот на 2018 година со едногласна одлука, UFC сепак му понудил договор.
Тој го имаше своето деби во најсилната ММА организација во светот во декември 2018 година на настанот на UFC во Аделаида, каде што беше поразен со нокаут во првата рунда од Содик Јусуф. Една година подоцна, се појави на настанот на UFC во Бусан, каде што загуби со едногласна одлука од Сеунг Ву Чои.
Тоа беше последната професионална борба во неговата кариера, која ја заврши со рекорд од осум победи и два порази.
