Домашен трик за сјајни ламинирани подови со природни состојки

Научете како со домашни состојки од оцет и маслиново масло можете да му го вратите сјајот на ламинираниот под и да го одржувате свеж со денови.

Ламинираните подови се еден од најчестите избори во современите домови – изгледаат елегантно, практични се за одржување и ценовно пристапни. Но, со текот на времето знаат да го изгубат својот сјај и да делуваат истрошено. Наместо да се трошат пари на скапи средства за чистење од продавница, постои едноставно и евтино решение – домашнен трик од природни состојки која може да му го врати сјајот на вашиот под и да го одржи свеж со денови.

Според експертите од компанијата Easipay Carpets, потребни ви се само неколку намирници кои сигурно ги имате во кујната:

половина чаша дестилиран алкохолен оцет,
половина чаша маслиново масло,
10 до 20 капки етерично масло од лимон (по желба).

Смесата се подготвува во пластична шише со распрскувач, кое треба добро да се протресе пред употреба.

Начин на примена:

Најпрво темелно исчистете го подот – отстранете прашина и поголеми нечистотии со метла или правосмукалка.
Лесно испрскајте мала површина од подот со растворот.
Веднаш исполирајте ја површината со мека и сува крпа од микрофибер или со сув моп.
Работете дел по дел сè додека целиот под не добие сјај.

Оцетот ефикасно ги отстранува дамките и нечистотиите, маслиновото масло го обновува сјајот и ја храни површината, а етеричното масло од лимон остава пријатен свеж мирис.

Совети за најдобар ефект:

Избегнувајте преголема влажност – премногу течност може да предизвика оштетувања и подуеност на ламинатот.
Полирајте нежно и користете умерено количество раствор.
Пред широка примена, тестирајте на мал, скриен дел од подот.

Покрај оваа смеса, постојат и други домашни методи за одржување: едноставна комбинација од оцет и вода за секојдневно чистење, или додавање медицински алкохол за побрзо сушење. За потешки дамки, може да помогне паста од сода бикарбона. Сепак, мешавината од оцет и маслиново масло се издвојува како најдобро решение за враќање на природниот сјај на ламинатот, кој трае со денови.