Внимавајте како го пиете кафето, температурата може да биде ризик
Внимавајте како го пиете кафето, температурата може да биде ризик за добивање рак!
Начинот на кој пиете кафе или чај може значително да влијае на ризикот од развој на рак на хранопроводот. Ново истражување објавено во British Journal of Cancer покажува дека консумирањето повеќе од осум шолји екстремно
врели напитоци дневно (над 65°C) го зголемува ризикот дури за 5,6 пати во споредба со оние што не пијат вакви напитоци.
Истражувањето опфатило над половина милион учесници преку базата UK Biobank. Дури и умерено консумирање носи зголемен ризик:
до 4 шолји – 1,6 пати повисок ризик
4–6 шолји – 2 пати
6–8 шолји – 2,5 пати
повеќе од 8 шолји – 3 пати поголем ризик
Главната причина е топлинското оштетување на слузницата на хранопроводот. Според гастроентерологот проф. Винсент Хо, честото пиење многу врели пијалаци може да ја ослаби природната заштита на хранопроводот и да го направи почувствителен на други штетни влијанија, како киселински рефлукс, алкохол и тутун.
Иако кафето се приготвува на 90–96°C, а чајот на 80–100°C, луѓето обично ги пијат на 50–68°C. Претходни студии покажуваат дека најбезбедна и пријатна температура е околу 58°C. Научниците советуваат: оставете пијалакот да се олади неколку минути, бидејќи за 5 минути температурата паѓа за 10–15 степени. Малите голтки исто така го намалуваат ризикот од оштетување.
Во САД само оваа година се очекуваат над 22.000 нови случаи на рак на хранопроводот и повеќе од 16.000 смртни исходи. Болеста е многу потешко излечива во понапредна фаза: петгодишното преживување во рана фаза е околу 46%, а во четврта фаза паѓа на едвај 5%.
