Ѓоковиќ сигурен на стартот на US Open

Ѓоковиќ сигурен на стартот на US Open, Медведев сензационално елиминиран.

Српскиот тенисер и седми носител на светската ранг-листа, Новак Ѓоковиќ, со блескава игра го отвори настапот на последниот грен-слем турнир оваа сезона – US Open. Во првото коло тој лесно го совлада Американецот Лирнер Тиен, 50-ти на светската листа, со 3:0 во сетови (6:1, 7:6, 6:2).

Мечот траеше два часа и 24 минути. Единствена неизвесност имаше во вториот сет, кога Тиен имаше сет-топка на сервисот на Ѓоковиќ при водство од 5:4. Сепак, српскиот ас не дозволи изненадување и преку тај-брејк го обезбеди сетот, а третиот сет го заврши рутински. Во второто коло Ѓоковиќ ќе се сретне со уште еден Американец – Закари Свajда.

Вистинската сензација се случи во доцните часови кога поранешниот број еден, Даниил Медведев, неочекувано загуби од 51-от на ранг-листата, Французинот Бенжамин Бонзи. Маратонскиот меч траеше речиси четири часа, а Бонзи славеше со 3:2 во сетови (6:3, 7:5, 6:7, 0:6, 6:4). Ова е уште еден голем удар за Медведев, кој во последно време е далеку од препознатливата форма.

Кај дамите изненадувања немаше – фаворитката Арина Сабаленка сигурно обезбеди пласман во следната рунда.

Ѓоковиќ со доза магија го победи Александар Зверев