Доживеала парализа на лицето откако крстарењето било откажано
Доживеала парализа на лицето откако луксузно крстарење вредно 7000 евра било откажано непосредно пред качувањето.
Лицето на една жена се вкочанило од стрес откако нејзиното крстарење од соништата, кое требало да го помине со сопругот како дел од нивниот меден месец, било откажано во последен момент.
Гејл Морган, 50 години, доживеала напад на Белова парализа, која ги парализирала нејзините мускули на лицето, откако крстарењето вредно речиси 7000 евра било одложено непосредно пред качувањето, а потоа целосно откажано. Морган и нејзиниот сопруг Пепе Дејвис, 53 години, од Велс, отпатувале во Мајами по гламурозна свадба и им било кажано дека има „техничка грешка“ со бродот. Двојката рекла дека „Celebrity Cruises“ се однесувале „одвратно“ и дека им била дадена само една третина од вредноста на надоместокот, кој бил во форма на ваучери.
„Бев неутешна. Плачев цело време. Бев скршена поради губењето на мојот меден месец и мојот 50-ти роденден – патување кое го очекувавме со години. И сè уште нема вести од „Celebrity Cruises“, изјави Гејл за „The Sun“.
„Неодамна го завршив магистерскиот степен по социјална работа, а крстарењето требаше да биде и прослава на тоа достигнување. Но, веќе следниот ден, мускулите на десната страна од моето лице се вкочанија. Лицето ми е вкочането оттогаш“, додаде таа. „Ни требаа три години да штедиме за ова“
По враќањето во Велика Британија, медицинската проценка потврди дека „емоционалната траума и психолошкиот стрес“ се „директни фактори што придонесуваат за развојот на Беловата парализа“.
Крстарењето требаше да тргне од Мајами на 20 јули. Прво беше одложено за еден ден, а потоа целосно откажано поради „техничка грешка“ што влијаеше на брзината на бродот.
„Ние сме работничка класа од мало село во Велс. Ни требаа три години да штедиме за ова, се откажавме од одморите и малите задоволства во животот. Ова требаше да биде важен момент“, рече Гејл. „Ова требаше да биде пресвртница. „Celebrity Cruises“ дури и не нè информираше за првото одложување, ниту за конечното откажување. Нè информираа непознати луѓе кои ги слушнаа нашите разговори“.
Морган и Дејвис добија кредитни ваучери, и двата во вкупен износ од 2.985 евра.
