„And Just Like That“ е откажана: Сара Џесика Паркер се збогува со Кери Бредшо
По три сезони, HBO ја откажа серијата „И токму така“ / „And Just Like That“ – продолжението на култниот хит „Сексот и Градот“.
Иако имаше солидни рејтинзи, реакциите на публиката беа поделени, а финалето го означи крајот на една ера во телевизиската историја.
Сара Џесика Паркер: „Навистина не ми е гајле“
Сара Џесика Паркер, која ја играше легендарната Кери Бредшо и беше извршен продуцент на серијата, искрено проговори за критиките.
„Претпоставувам дека навистина не ми е гајле. А причината е затоа што серијата беше успешна, а врските со публиката беа значајни“, изјави таа за „Њујорк Тајмс“.
Сара Џесика Паркер се збогува со Кери Бредшо
На Инстаграм, Сара Џесика Паркер објави емотивно писмо во кое се заблагодари на колегите и публиката:
„Кери Бредшо доминираше во мојот професионален живот 27 години. Ја сакав најмногу. Бев фрустрирана од неа, навивав за неа. Таа симфонија од емоции беше најважниот придружник. Засекогаш сум благодарна.“
Таа потврди дека заедно со креаторот Мајкл Патрик Кинг одлучиле серијата да не продолжи понатаму.
Серијата што ги обликуваше генерациите
Оригиналниот „Сексот и градот“ се емитуваше од 1998 до 2004 година и стана културен феномен. Со шест сезони и 94 епизоди, серијата освои седум Еми награди, осум Златни глобуси и милиони обожаватели ширум светот.
Подоцна следеа два филма (2008 и 2010), а во 2021 година започна продолжението „И токму така“ / „And Just Like That“. Иако не ја повтори славата на оригиналот, сепак привлече големо внимание и остави трага во телевизиската историја.
Серијата беше револуционерна за своето време, отворено зборувајќи за женската сексуалност, пријателството, модата и предизвиците на животот во метропола како Њујорк. Ликовите Кери, Миранда, Шарлот и Саманта остануваат икони на поп-културата.
📺 Еве го официјалниот трејлер за серијата „And Just Like That“ на HBO:
И Токму Така
Со крајот на „И токму така“ / „And Just Like That“, завршува едно телевизиско поглавје кое траеше повеќе од две децении. За многумина, Кери Бредшо ќе остане симбол на стилот, љубовта и искрените приказни за современиот живот.
👉 Што мислите вие – дали „И токму така“ успеа да ја одржи магијата на „Сексот и градот“ или беше непотребно продолжение?
