Крис Џенер со 6 прсти и 40 години помлада
Крис Џенер пак под лупа поради фото-монтажа, на фотографијата таа има 6 прсти и 40 години помалку.
Американската реалити ѕвезда и матријарх на семејството Кардашијан, Крис Џенер, повторно стана тема на јавноста – не поради нејзината успешна кариера или семејни достигнувања, туку поради уште една сомнителна фотографија со, ни помалку ни повеќе, шест прсти на едната нога.
Фотографијата е објавена на нејзиниот официјален профил на Instagram, снимена за време на прославата на 91. роденден на нејзината мајка, Мери Џо „МЈ“ Шенон. Наместо емотивни честитки, постот доби ерупција од коментари – иронични, скептични и саркастични.
- „Има ли шест прсти на ногата или само јас гледам вака?“
- „Photoshop пропуст или нов тренд?“
- „Крис, што се случува со твоите стапала?“
Социјалните мрежи експлодираа со обвинувања за претерана употреба на Photoshop, а како што знаеме – тоа не е ново во светот на семејството Кардашијан-Џенер.
Крис носела елегантна креација со потпис на „Oscar de la Renta“, елегантно комбинирана со златна чанта и „јапонки“. И тука настанува проблемот. Токму тие лесни сандали го открија мистериозните „шест прсти“, кои фановите веднаш ги забележаа и безмилосно ги коментираа.
Покрај необичниот детаљ на стапалото, дел од фановите ја нападнаа и поради неверојатно младоликиот изглед:
„Изгледа како да има 40 години, не 68.“
„Старее наназад.“
„Очајно се плаши од стареење.“
Ова не е првпат Крис, ниту некој од нејзините ќерки, да се најде на мета поради „фотошопирани“ тела. Во 2019, Ким и Кајли Џенер беа жестоко критикувани поради рекламна кампања за парфем, каде и двете наводно имаа по шест прсти во проѕирни чевли.
Во 2021, Ким повторно предизвика бура кога наводно го заменила лицето на својата внука True со тоа на „Stormi“ на фотографија од „Disneyland“. Во 2022, пак, беше „уловена“ како ја едитира сопствената нога за кампања за „Skims“, фотографија која бргу ја избриша откако пропорциите предизвикаа лавина критики.
