Забранет влез за Џенифер Лопез во бутикот на Шанел во Истанбул
Џенифер Лопез имала забранет влез во бутикот на Шанел во Истанбул. Реакцијата била неочекувана, што ретко се гледа кај светски ѕвезди. Прочитајте ја целата приказна.
Џенифер Лопез, светски познатата пејачка и актерка, предизвика внимание по неочекуван инцидент во луксузниот бутик на модната куќа „Шанел“ во трговскиот центар „Истиње Парк“ во Истанбул. Според турските медиуми, таа била одбиена од обезбедувањето и не ѝ било дозволено да влезе – но нејзината реакција ја изненадила јавноста.
Без ни најмала доза на ароганција, Лопез смирено одговорила:
„Во ред е, нема проблем“, по што тивко си заминала, без расправии, гнев или барање објаснување.
Неколку моменти подоцна, вработените кои сфатиле за кого станува збор, ѝ се извиниле и ја поканиле повторно да влезе. Но, Лопез љубезно одбила. Наместо тоа, одлучила да продолжи со своето шопинг-искуство во други ексклузивни бутици, како „Céline“ и „Beymen“, кои се исто така дел од престижниот трговски комплекс.
Во Истанбул, Лопез беше присутна поради концертот што го одржа на 5 август, дел од нејзината глобална турнеја „Up All Night“, која ги обединува нејзините најголеми хитови и најнови музички проекти. Покрај тоа, неколку дена претходно, таа го прослави својот 56-ти роденден во луксузен ресорт во Анталија, каде што делови од приватната забава беа споделени и на нејзините социјални мрежи.
Финалето на оваа турнеја е најавено за 10 август во Алмати, Казахстан, каде што Лопез ќе го затвори летниот циклус настапи на голема сцена, пред илјадници обожаватели.
