Чистење со лимон: Природно, ефикасно и миризливо решение за домот

Откријте како да го користите лимонот за природно и ефикасно чистење на домот – од микробранова печка до прозори. Внимавајте каде не смее да се користи!

Кога станува збор за тврдокорно чистење, особено во кујната, ретко кој природен сојузник е толку ефикасен и моќен како обичниот лимон. Освен што внесува свежина и мирис, лимонот има силно антибактериско и чистечко дејство кое може да ги реши и најупорните дамки, мириси и наслаги.

Како лимонот може да ви ја спаси кујната

Микробранова печка: Ставете неколку кришки лимон во сад со вода и загрејте ги во микробрановата. Пареата ќе ја омекне валканата внатрешност, која потоа лесно се брише со крпа.
Дрвени даски за сечење: Посипете ги со крупна сол и истријте ги со пресечен лимон. Ова не само што ги чисти, туку ги дезинфицира и ги освежува од непријатни мириси
Мириси од одводот: Неколку парчиња лимон во сливникот, пуштете ладна вода и кажете им збогум на лошите мириси.
Непријатности од фрижидерот: Половина лимон оставен во фрижидерот апсорбира и неутрализира непријатни мириси без потреба од хемикалии.

Каменец на славини: Пресечен лимон директно на металните површини – истријте, исперете и исушите. Сјајот се враќа како нов!
Оксидиран бакар и месинг: Потопете половина лимон во крупна сол и истријте ги старите садови или декоративни рачки – резултатот е блескава површина без гребнатини.
Фуги на плочки: Исцеди сок од лимон, оставете 10 минути, потоа истријте со четка – плочките ќе светнат.

Домашни рецепти со лимон за целосна хигиена

Природно средство за подови: Измешајте еднакво сок од лимон и оцет, и двојно повеќе вода. Оваа мешавина е совршена за домови со мали деца и миленици.
Чистење прозори: Комбинирајте лимонов сок, бел оцет и врела вода во шише со распрскувач. Прозорите ќе бидат блескави и без траги.
Избелување постелнина: Натопете ја белата постелнина во врела вода со кришки лимон пред перење и вратете ѝ ја природната белина.

Внимание: Каде лимонот не смее да се користи

Колку и да е лимонот чудотворен, не е без ограничувања. Поради својата киселост:

Не го користете на мермер, гранит или други природни камења – може да ги нагризе и трајно оштети.
Нелакирани дрвени подови можат да изгубат сјај или да се оштетат.
Леано железо – лимон + железо = катастрофа. Рѓата само чека прилика.
Има благо избелувачко дејство – затоа прво тестирајте го пред да го нанесете на ткаенини.