“Баба Бети” сепак не постои таа е измислен лик
Виралната TikTok сензација Baddie Betty, 82-годишна „баба“ со жестоки совети за љубовта и мажите, всушност не постои.
Доколку поминувате малку повеќе време на интернет, сигурно сте налетале на “бабата” која во скапа облека дели безмилосни совети за љубовта, мажите и животот. Се претставува како Baddie Betty, има 82 години, позира со Birkin торби од 27.000 евра, и вели дека е “икона, богата и неодолива”. Секако, TikTok ја обожава.
Но… има еден мал, незгоден детаљ: таа не постои.
Што кажува “Бака Бети”?
Под корисничко име @baddiebethany, оваа сенилна, а сепак шокантно модерна TikTok дама, со арогантна харизма и смртоносно остар јазик, ги остава луѓето подеднакво воодушевени и згрозени. Некои од нејзините највирални совети гласат:
„Сите мажи ќе те разочараат – затоа бирај го најбогатиот.“
„Немој да дозволиш дечко да ти го спречи патот до маж.“
Еден компилациски клип со нејзини изјави има над 700.000 прегледи, а TikTok корисниците фрлаат коментари како:
„Ако оваа жена има подкаст – ќе ја слушам до смрт“ или
„Ѝ ја продавам душата за една нејзина Birkin торба!“
Интернетот бргу почна да ја “деконструира” Бети.
Во еден клип, внимателните корисници забележале дека… има премногу прсти на раката. Типична AI-грешка. На Instagram, нејзината кожа изгледа како да е извезена со филтер – без една брчка, без трага од реалност.
И не е чудо – профилот следи само три други, од кои два се поврзани со Flye TV – платформа која се занимава со AI проекти и експерименти со човечката интеракција во дигиталниот свет.
Бади Бети, едноставно кажано, е дигитален фантом – изработен за да биде шармантен мамец во времето кога вниманието е валута.
И покрај фактот што е компјутерски генерирана, “Баба Бети” не планира да замолчи. Најавена е нејзината книга: Elite Playbook – Водич за дами кои сакаат да преминат од евтини состаноци кон луксузни шопинг тури.
Со други зборови: AI инфлуенсерка пишува книга за “златокопачки”. Саркастично речено – новата генерација на животни цели.
Случајот со Бети не е изолиран. Минатата недела, на пример, виртуелната инфлуенсерка Mia Zelu објави фотографии од Вимблдон – и покрај тоа што не постои воопшто. Има преку 160.000 следбеници. Луѓето ѝ коментираат, лајкуваат, флертуваат… со нереална жена создадена од алгоритам.
Последица: дали реалноста повеќе не е интересна?
Бети не е реална, но реакциите се реални. Луѓето веруваат, коментираат, се идентификуваат. Некои велат: „Јас сум 60-годишна жена. Навистина ми треба курс за преживување во времето на вештачката интелигенција.“
Па сега ти кажи: дали сме толку гладни за драма, мудрост и харизма, што дури и знаејќи дека е лажна, се навлекуваме на AI баба со луксузна чанта и токсични совети?
