Триаголници со Сирење и Спанаќ

Триаголници со Сирење и Спанаќ или Лиснато тесто – Кифлички  со Сирење и Спанаќ. Кога имате неочекувани гости или кога вашето семејство сака доцна вечера, па дури и појадок, солените триаголници со сирење и спанаќ се идеалното решение.

Многу брзо се подготвуваат, а толку многу се вкусни, што за кратко време ќе исчезнат од вашата трпеза.

За овој Рецепт (за 6 лица) е потребно:

• 1 пакување кора од Штрудла
• 500gr свежо Сирење
• 2 Јајца
• 250gr Бебешки Спанаќ
• 2 лажици Павлака, Топено Сирење или Кисело Млеко
• Сол

Подготовка

Подгответе го спанаќот.

• Измијте го спанаќот, бланширајте го кратко и ситно исечкајте го.

Направете го филот со сирење

• Во еден сад измешајте ги сирењето, јајцата, солта и павлаката, внимавајте смесата да не е премногу ретка за да не се излее кога ќе ја истурите врз кората.
• Додадете го сечканиот спанаќ и измешајте.

Подгответе ги готовите кори

• Ставете еден лист кора на работната плоча и премачкајте го со мешавина од вода и масло.
• Преклопете го на половина по должина, повторно премачкајте и повторно преклопете го по должина.
• Потоа премачкајте го од двете страни.

Наполнете со смесата и формирајте триаголник.

• Нанесете тенок слој од смесата со сирење по целата должина на кората, посипете со мешавина од вода и масло и виткајте така што ќе го земете левиот крај од кората и ќе започнете со цик-цак превиткување или ролање на десно, па повторно на лево. … и така натаму додека не стигнете до крајот.

Постапката повторете ја со останатите кори

• Постапката повторете ја додека не ги потрошите подготвените состојки.
• Наредете ги триаголниците на плех кој претходно сте го обложиле со мрсна хартија.

Ставете го на шпоретот

• Печете ги триаголниците со сирење во загреана рерна на 180 степени 35-40 минути.