ВОЗНЕМИРУВАЧКО ВИДЕО: Погодена марината во Абу Даби, густ црн чад над градот по ирански напад со дронови
Вознемирувачки снимки од Абу Даби: густ црн чад над познатата Јас Марина по напад со ирански дронови. Сирени одекнуваат низ ОАЕ, а предупредувања се издадени во Дубаи, Фуџајра и Ријад.
Драматични сцени пристигнуваат од Абу Даби, каде густ облак од црн чад се издигна над познатата Yas Marina по новиот напад со дронови што, според извештаите, го извршил Иран врз Обединетите Арапски Емирати.
На социјалните мрежи се појавија снимки на кои се гледа чад што се издига над марината, додека сирените за тревога одекнуваат низ градот.
Според странските медиуми, жителите на Дубаи се упатиле кон засолништа додека тревогите се слушале во повеќе делови од земјата. Иран, како што се наведува, продолжува со напади врз Израел, САД и нивните сојузници на Блискиот Исток.
Предупредувања за безбедност биле активирани во Дубаи, Абу Даби и Фуџаира, со апел жителите и посетителите да останат на безбедни места.
🚨🌍 LIVE: ABU DHABI MARINA REPORTEDLY HIT AS MIDDLE EAST CONFLICT ESCALATES
Reports say Abu Dhabi Marina has been hit as the regional conflict continues to intensify.
Air raid sirens have reportedly sounded in Dubai, while an oil refinery is said to be on fire and Saudi Arabia… pic.twitter.com/cIVBg36VML
— British Intel (@TheBritishIntel) March 5, 2026
Властите на Обединетите Арапски Емирати соопштиле дека земјата била цел на балистичка ракета и шест дронови, дел од поголем напад во кој биле лансирани повеќе од 130 таканаречени „самоубиствени“ дронови.
Во меѓувреме, силни експлозии се пријавени и во Bahrain, каде што, според извештаите, биле погодени енергетски објекти.
Столбови од густ чад се издигнале и над Ријад главниот град на Саудиска Арабија. Американските дипломати во градот биле предупредени веднаш да побараат засолниште поради ракетниот напад.
Амбасадата на Соединетите Американски Држави во Ријад претходно издала безбедносно предупредување до својот персонал, повикувајќи ги дипломатите да останат во засолништа.
Министерството за одбрана на Саудиска Арабија соопшти дека три ирански крстосувачки ракети биле пресретнати и уништени во близина на главниот град.
