ВИДЕО | „Не се плашам, знам кој нè чува!“Пародија на македонските власти.
Урнебесна пародија на трендот „Не се плашам, знам кој нè чува“ се појави и со македонските власти. Видео со Христијан Мицкоски, Гордана Сиљановска Давкова и други функционери стана хит на социјалните мрежи.
На социјалните мрежи во последните денови се прошири нов тренд кој започна по ескалацијата на конфликтот на Блискиот Исток, кога Израел и Соединетите Американски Држави извршија напади врз Иран, а Иран возврати со удари врз цели во неколку земји во регионот.
Во тој контекст, голем број инфлуенсери од Дубаи започнаа да објавуваат видеа со прашањето:
„Не се плашиш ли? Живееш во Дубаи!“
Веднаш потоа следува одговорот:
„Не, затоа што знам кој нè чува.“
Видеата обично се проследени со драматична музика и снимки од државното раководство кое самоуверено чекори, испраќајќи порака на сигурност и стабилност.
Овој тренд, кој потекна од „ТикТок“, брзо се прошири на сите социјални мрежи. Додека едни го прифатија сериозно, други решија да го претворат во пародија.
Токму така настана и едно видео со македонските власти.
Непознат корисник на платформата „Икс“ направи урнебесна пародија, во која се појавуваат снимки од премиерот Христијан Мицкоски, претседателката Гордана Сиљановска Давкова, како и други високи функционери.
Сцените се внимателно избрани и монтирани во истиот стил како и оригиналните видеа – со драматична атмосфера, гордо чекорење и сериозни изрази на лицето.
Гасете интернет… доста е. pic.twitter.com/Z7niIHbvzx
— Робусна Акција (@RoAcX87v2) March 4, 2026
Резултатот е видео кое за кратко време стана хит на социјалните мрежи и предизвика бројни реакции и коментари.
Можеби единствената слабост на пародијата е музичката подлога – виралниот хит создаден со вештачка интелигенција „Papaoutai (Afro Soul)“, кој создава атмосфера што повеќе потсетува на Африка отколку на Блискиот Исток.
Но, и покрај тоа, видеото дефинитивно вреди да се погледне.
