Топли, сочни и мирисаат на детството: Стар рецепт за урмашици што се топат во уста
Старински рецепт за урмашици – мек и сочен традиционален колач прелиен со шербет што се топи во уста.
Урмашици се еден од оние старински колачи што многумина ги паметат од детството. Меки, сочни и богато прелиени со сладок шербет, овој традиционален десерт со генерации се подготвува во домовите низ Балканот. Урмашиците се популарни во текот на целата година, а нивниот рецепт е едноставен и лесен за подготовка.
Потребни состојки
За урмашиците:
250 г путер
1 јајце
1 лажица шеќер
400 г брашно
За шербетот:
500 г шеќер
500 мл вода
1 лимон
Начин на подготовка
Најпрво ставете го путерот да се стопи на средна температура. Во меѓувреме изматете ги јајцето и шеќерот. Во смесата додадете го растопениот путер и добро соединете.
Потоа постепено додавајте го брашното и замесете тесто кое нема да се лепи за рацете. Покријте го тестото со крпа и оставете го околу 20 минути во фрижидер.
Потоа земајте мали парчиња од тестото и оформете мали валјаци. Ставете ги на ренде од страната со најситни дупчиња, притиснете лесно за да се добие препознатливата форма и редете ги во подмачкан плех.
Печете ги урмашиците во претходно загреана рерна на 200 степени околу 30 минути.
Додека се печат, подгответе го шербетот. Во тенџере ставете ги шеќерот и водата, промешајте и варете на средна температура околу 15 минути. На половина од варењето додадете лимон исечен на кругови.
Веднаш штом урмашиците ќе се испечат, прелијте ги со врелиот шербет. Покријте ги и оставете ги преку ноќ добро да го впијат сирупот.
На овој начин ќе добиете меки, сочни урмашици што буквално се топат во уста.
