Сведоштво за насилство во Ѓорче Петров: „Пред мои очи ја тепаше, детските извиците не можам да ги заборавам“
Активистка сведочи за весникот Слободен Печат дека на 19 декември 2025 година во парк во Ѓорче Петров пред очите на дете се случило физичко насилство. Таа реагирала и поднела пријава, а институциите биле известени по 45 дена.
На 19 декември 2025 година во парк во Ѓорче Петров, според сведоштво објавено за Слободен печат, се случил инцидент на семејно насилство пред очите на малолетно дете.
Активистката против семејно насилство, Ивана Белчева, изјавила дека случајно се нашла во паркот кога ги слушнала извиците на детето. Таа раскажува дека заедно со друга жена се приближиле до местото на настанот и виделе како маж физички ја напаѓа жената.
„Го земав девојчето во прегратка, го гушкав и се обидував да го смирам. Постојано се тресеше“, изјавила Белчева, додавајќи дека звукот од плачот и викотниците на детето не може да ги заборави.
Според нејзиното сведоштво, по поднесената пријава, на надлежните им биле потребни 45 дена за да го известат Центар за социјални работи Скопје за настанот.
Белчева оценува дека системот има сериозни слабости во препознавање и навремена реакција на физичко и психолошко насилство во семејството, особено кога станува збор за заштита на децата. Таа апелира на поголема едукација и вклучување психолози во полициските станици, со цел навремено препознавање на ризиците и подобра заштита на жртвите.
Институциите засега немаат објавено дополнителни детали за случајот.
Во продолжение видеото од Слободен Печат:
