Овие симптоми може да укажуваат на тромб

Тромбовите можат да се појават без предупредување и да бидат опасни по живот. Препознајте ги клучните симптоми.

Крвните тромби, иако се природен дел од механизмот за згрутчување на крвта и спречување на крварење, понекогаш можат да претставуваат сериозна опасност за здравјето – особено кога се појавуваат без очигледна причина. Нивното присуство може да доведе до потенцијално животозагрозувачки состојби како срцев или мозочен удар.

Најчесто, тромбот се формира во вените, но не е исклучено да се појави и на други места во циркулаторниот систем. Кога ќе го блокира протокот на крв, целосно или делумно, тоа може да предизвика разни симптоми и компликации – од оток и болка до сериозни оштетувања на органите.

Кои се ризик-факторите за појава на тромб?

• Повреди и операции

• Долготрајно мирување (на пр. по болничко лекување)

• Долги периоди на седење, особено при патувања

• Забавена циркулација

• Хронични заболувања: дијабетес, висок холестерол, дебелина

• Недоволна физичка активност

Најчести видови и симптоми на тромб:

Длабока венска тромбоза (DVT)
Обично се јавува во нозете и може да предизвика:

• Отоци

• Болка и чувство на тежина

• Црвенило или промена на бојата на кожата

• Затегнатост во мускулите

Плуќна емболија
Кога дел од тромбот се одделува и патува до белите дробови, се јавуваат:

• Оштетено дишење

• Болка во градите

• Убрзан пулс

• Крвав искашлувањe

• Во некои случаи, симптомите можат целосно да изостанат, што ја прави состојбата уште поопасна.

Тромб во срцето

• Ненадејна болка во градите

• Неправилен или забрзан срцев ритам

• Краток здив

• Мачнина и чувство на слабост

Тромб во мозокот

• Ненадејна силна главоболка

• Пореметен говор

• Губење на чувство или слабост на едната страна од телото

• Напади слични на епилепсија

Тромб во бубрезите

• Крв во урината

• Намалена потреба за мокрење

• Болка во долниот дел од грбот

Тромб во стомакот
Иако често се без симптоми, можат да доведат до:

• Јака стомачна болка

• Повраќање со траги од крв

• Црна столица (знак за внатрешно крварење)

Што да направите?
При појава на некој од овие симптоми – особено ако се појават нагло – потребно е веднаш да се побара медицинска помош. Брзата дијагноза и третман можат буквално да спасат живот.