Ова фигура носи пари во домот – но една грешка ја блокира енергијата

Во многу домови фигурaта на слон стои како симпатична декорација – на полица, комода или покрај влезната врата. Но во филозофијата на Фенг шуи слонот не е само украс. Тој е моќен симбол на мудрост, стабилност, долговечност и заштита.

Се верува дека правилно поставен слон може да го засили чувството на сигурност, да ја стабилизира енергијата во домот и да привлече просперитет. Но за да делува, важно е да се внимава на три работи – бојата, положбата на сурлата и местото каде што стои.

Слон со крената сурла – симбол на богатство и успех

Во фенг шуи, слон со крената сурла се смета за симбол на материјална благосостојба и напредок. Во природата, слонот ја крева сурлата кога е силен и задоволен – затоа се верува дека ваквата фигура внесува оптимизам и финансиска среќа во домот.

Овој облик се поврзува со:

• нови деловни можности

• разумно управување со парите

• заштита од импулсивни трошоци

• самодоверба и напредок

Каде да го поставите?

• На прозорска даска, но со сурлата свртена кон внатрешноста на домот

• Во југоисточниот дел од станот – зоната на богатство

• На работна маса или во канцеларија – за кариерен напредок

• Покрај сеф, касичка или финансиски документи

Важно правило: сурлата никогаш не треба да биде свртена нанадвор, бидејќи според верувањето, така енергијата „излегува“ од домот.

Слон со спуштена сурла – стабилност и семејна хармонија

Слон со спуштена сурла нема негативно значење. Напротив – симболизира сигурност, зачувување на постојното и приземјена енергија.

Се поврзува со семејна благосостојба, долговечност и здравје, емоционална стабилност како и за зачувување на имотот.

Идеално место за оваа фигура:

• Спална или дневна соба

• Југозападниот дел од домот – зоната на партнерство

• Детска соба – за зајакнување на семејните врски

• Близу влезната врата, но свртена кон внатре – за заштита

Бојата на слонот ја насочува енергијата

Во фенг шуи, бојата има посебна симболика:

• Сива, беж, кафена – стабилност и рамнотежа

• Бел слон – заштита и семејна хармонија

• Син слон – кариера и мудрост

• Зелен слон – здравје и нови почетоци

• Црвен слон – успех и признание

• Златен или бронзен слон – богатство и просперитет

• Црн слон – заштита од негативни влијанија

• Розов слон – љубов и партнерска нежност

Во простории за одмор се препорачува умереност – премногу интензивни бои можат да ја нарушат рамнотежата.

Колку слонови се доволни?

Според фенг шуи принципите, и бројот носи симболика:

• 3 фигури – основна поддршка

• 6 фигури – засилена среќа

• 9 фигури – целосна енергија на исполнување

Сепак, не треба да се претерува. Премногу симболи во еден простор можат да создадат енергетски дисбаланс. Фигурите треба да бидат чисти и неоштетени – пукнатини и прашина симболично ја ослабуваат енергијата.

Најважното правило – намерата

Без разлика на бојата, положбата или бројот, фенг шуи нагласува едно клучно правило – намерата е пресудна.

Ако слонот го поставите со јасна желба да внесете стабилност, сигурност и просперитет во вашиот дом, тој станува симбол на вашата одлука да создадете хармоничен простор.

Во тој случај, слонот не е само декорација.
Тој станува потсетник на силата, мудроста и мирот што сакате да ги негувате во својот живот.