Откриени се ужасни детали за масакрот во Турција

Бројот на жртви од нападот во средно училиште во Кахраманмараш (Турција) се искачи на девет, а меѓу жртвите има осум деца, соопштија властите.

Нападот го извршил Иса Арас Мерсили, ученик од осмо одделение, кој потоа извршил самоубиство. Властите изјавија дека станува збор за индивидуален чин, а не за терористички напад и дека истрагата е сè уште во тек.

Министерот за внатрешни работи Мустафа Чифчи изјави дека осомничениот, ученик од осмо одделение, бил ученик во училиштето каде што се случил нападот и дека ги извршил убиствата со оружје што го донел од дома. Министерот рече дека во нападот се повредени 13 лица, а дека 6 од повредените се на лекување на интензивна нега.

„Тој влегол во училницата и го извршил масакрот“

Министерот рече дека нападот започнал околу 13:30 часот.

„Тоа е училиште каде што наставата се организира во смени. Сè се случи во моментот кога учениците од утринската смена си одеа дома. Потоа, 14-годишник, ученик од осмо одделение, кој бил ученик во ова училиште, влегол во училницата со оружје што го донел од дома и отворил оган, извршувајќи масакр. Во нападот загинале девет лица, од кои осум биле ученици и еден наставник. 13 лица се повредени, шест се на интензивна нега, тројца се во критична состојба“, рече министерот.

@dwnews A 14-year student has opened fire on a middle school in Turkey’s Kahramanmaras province. Turkey’s Interior Minister Mustafa Ciftci said eight students and one teacher were killed, and 13 others were wounded. It’s the second school shooting in Turkey in two days. #dwnews ♬ original sound – DW News

Тој рече дека наставата во Кахраманмараш ќе биде прекината во следните два дена и дека децата нема да одат на училиште до понеделник.