Невиден скандал во женската кошарка: Општа тепачка на теренот, судија нокаутиран, седум кошаркарки исклучени
Голем скандал ја потресе женската кошарка на „Sun Belt“ шампионатот. На натпреварот меѓу Јужна Алабама и Коастал Каролина избувна масовна тепачка, судија беше нокаутиран, а дури седум кошаркарки беа исклучени.
Сцени кои ретко се гледаат на спортските терени, а особено не во женската кошарка, ја обиколија светската јавност. За време на натпреварот од „Sun Belt“ шампионатот меѓу South Alabama Jaguars women’s basketball и Coastal Carolina Chanticleers women’s basketball, дојде до голема тепачка што предизвика вистински хаос на паркетот.
Инцидентот започнал на околу пет минути пред крајот на натпреварот, кога во вербална и физичка пресметка влегле Tracy Houston и Cordasia Harris. Ситуацијата за само неколку секунди ескалирала, а во конфликтот се вмешале и други кошаркарки од двата тима, како и членови на стручните штабови.
South Alabama wins over Coastal Carolina despite having 7 players ejected in a major brawl late in the 4th quarter. A ref even got knocked down. pic.twitter.com/ZD8Al7zXnE
— Joe Wright (@Sctvman) March 4, 2026
Најлошо поминал еден од судиите, кој се обидел да ги раздели разлутените играчи. Во метежот добил удар и паднал на паркетот, нокаутиран.
По хаотичните сцени, судиите донеле строги одлуки. Дури седум кошаркарки од тимот на Јужна Алабама биле исклучени, додека кај противничкиот тим најголемата казна ја добила Хјустон.
Меѓу исклучените се и три од најдобрите кошаркарки на Јужна Алабама – Харис, Даниела Гонзалез и Амија Сатон, кои се меѓу водечките стрелци на тимот оваа сезона. Дополнително, четири играчи биле исклучени затоа што ја напуштиле клупата и влегле на теренот за време на тепачката.
И покрај хаосот, Јужна Алабама на крајот го добила натпреварот со резултат 80:70 и се пласирала во следната рунда од шампионатот. Сепак, големо прашање е со каков состав ќе настапат на следниот натпревар против Texas State Bobcats women’s basketball.
Според правилата, секој играч кој учествува во тепачка автоматски добива суспензија, што значи дека тимот би можел да остане без дел од клучните кошаркарки.
Иако Јужна Алабама во турнирот влезе како аутсајдер од 12-тата позиција, по две победи тие се најдоа во центарот на вниманието – но, за жал, повеќе поради големиот скандал отколку поради играта на теренот.
