Не молчете! – Научете како да одговорите на навреда

Научниците објаснуваат како духовит одговор може да ја поништи навредата и да ја префрли моќта во ваша корист. Еве ефективни примери и совети за справување со вербални напади.

НЕ МОЛЧЕТЕ: Научниците откриваат како правилно да одговорите кога ќе бидете навредени

Навредата секогаш носи непријатност, а реакцијата често одлучува дали ситуацијата ќе ескалира или ќе заврши во ваша корист. Според научните истражувања, токму духовитиот одговор е алатка што може да ја намали или целосно да ја поништи силата на вербалниот напад.

Многумина реагираат импулсивно – со лутина, молк или повреда – што само ја засилува моќта на навредувачот. Но невронауката предлага поинаков пристап: користење на брз, интелигентен одговор што ја префрла контролата во ваши раце.

Што велат експертите?

Невронаучникот д-р Дин Барнет за BBC Science Focus објаснува дека навредите се сложена форма на комуникација, а нивното влијание зависи не само од содржината, туку и од тоа како „целта“ ја прима пораката.

Кога станува збор за едноставни навреди без подлабоки социјални или културни конотации, личноста која е нападната има значителна контрола врз исходот. „Целта може да го обликува текот на ситуацијата и да го намали значењето на навредата“, нагласува Барнет.

Како да се неутрализира навредата?

Една стратегија е „категоризација“ – да се смести навредувачот во општествена улога што изгледа небитна или смешна.

Пример: Ако некој каже „Твојата коса изгледа глупаво“, духовит одговор би бил: „Смири се, бабо“. Со тоа, напаѓачот се претставува како старомоден и неинформиран.

Друга техника е пренасочување на фокусот – враќање на навредата кон слабостите на оној што ја изрекол.

Пример: Ако некој рече „Не ми е јасно зошто твојот партнер е со тебе, тој е попривлечен“, одговорот може да биде: „Дали сакаш да ти го нацртам тоа? Со боички?“

Овие примери не се цел да навредат назад, туку да ја нарушат позицијата на нападот и да го направат навредувачот смешен, а не вас.