Напиток што го забавува стареењето – научно потврдено!
Многу луѓе го пијат овој напиток секој ден, но нови истражувања покажуваат дека неговите ефекти не се ограничуваат само на варењето.
Кефирот и здравјето:
Кефирот, ферментиран млечен пијалок познат по своите корисни ефекти врз цревата, може да влијае и на процесот на стареење, особено преку зајакнување на имунолошкиот систем.
Истражување од Јапонија, спроведено од Универзитетот Шиншу, покажува дека со возраста имунитетот ослабува, а имунолошките клетки ја губат способноста да се делат правилно. Ова доведува до хронично воспаление кое влијае на развојот на болести, додека органи како црниот дроб и тимусот постепено ја губат функцијата.
Експеримент со постари глувци:
На постарите глувци им бил даден термички инактивиран сој на бактерии од кефир, наречен Lentilactobacillus kefiri YRC2606, во текот на осум недели. Резултатите покажале дека глувците имале помалку промени типични за стареењето, особено во црниот дроб и тимусот, како и пониски нивоа на воспаление и протеини кои ја запираат клеточната делба.
Авторката, Хирока Сасахара, потенцира дека овој сој би можел да игра клучна улога во зачувувањето на имунитетот и дека во иднина може да се користи во функционална храна или додатоци за постари лица.
Зошто кефирот е здрав:
Името кефир потекнува од турскиот збор keyif, што означува чувство на задоволство по јадење. Кефирот е ферментиран млечен пијалок со потенка структура, богат со протеини, калциум, фосфор, магнезиум, витамини од групата Б, Д и К2.
Особено значајни се пробиотиците што ги содржи, кои ја одржуваат цревната флора, помагаат во варењето и го поддржуваат целокупното здравје. Некои видови кефир дури можат да го забават растот на штетни бактерии како Salmonella и E. coli.
Внимание при консумација:
Иако кефирот е здрав, не е за секого. Големи количини можат да предизвикаат надуеност или проблеми со варењето, особено ако се воведе ненадејно. Луѓето на имунопресивна терапија треба да се консултираат со лекар пред консумација, поради живите бактерии и квасецот во кефирот.
