Линдзи Вон заработи богатство за само 12 секунди на Олимписките игри
Американската скијачка Линдзи Вон заработи 200.000 долари само за учество на Зимските олимписки игри, иако настапи само 12 секунди поради тежок пад и повреда.
Американската скијачка легенда Линдзи Вон ќе инкасира дури 200.000 долари за настап на Зимските олимписки игри, иако нејзиното учество траеше само 12 секунди. Искусната скијачка (41) доживеа тежок пад за време на спустот во Кортина д’Ампецо, по што со хеликоптер беше итно префрлена во болница.
Кај Вон беше констатиран сложен скршеница на ногата, по што веднаш беше оперирана, а Олимписките игри за неа завршија уште на самиот почеток.
Според новиот модел на наградување на американските олимпијци, секој спортист добива 200.000 долари само за учество, без разлика на пласманот или постигнатиот резултат. Тоа значи дека Линдзи Вон заработи дури 13 пати повеќе отколку што доби за бронзениот медал на ЗОИ во Пјонгчанг 2018, кога беше наградена со само 15.000 долари.
Оваа значајна промена во системот на наградување е овозможена благодарение на донација од 100 милиони долари, која милијардерот Рос Стивенс му ја упати на Американскиот олимписки и параолимписки комитет.
За споредба, на претходните Олимписки игри во Париз, американските спортисти добиваа:
37.500 долари за злато
22.500 долари за сребро
15.000 долари за бронза
Новиот модел предизвика големо внимание и поделени реакции во спортската јавност, но едно е сигурно – учеството на Олимписките игри никогаш не било повредно за американските спортисти.
